სასჯელაღსრულებისა და პრობაციის სამინისტროს N8 პენიტენციურ დაწესებულებაში პროექტ „ცოცხალი წიგნების“ ფარგლებში არასრულწლოვან ბრალდებულთათვის პოეზიის საღამო გაიმართა. პროექტის მონაწილეებმა სოსო მეშველიანმა, გიორგი არაბულმა, ლია ლიქოკელმა და ქეთევან დუმბაძემ საკუთარი და თანამედროვე პოეტების ლექსები წაიკითხეს. სტუმრები ასევე ბრალდებულებს პროექტ „ცოცხალი წიგნების“ შესახებ ესაუბრნენ და მათ სამომავლო გეგმებიც გააცნეს.

როგორც უწყებიდან "ექსპრესნიუსს" აცნობეს, შეხვედრაზე არასრულწლოვანმა ბრალდებულებმაც წაიკითხეს ლექსები ცნობილი პოეტებისისა და საკუთარი შემოქმედებიდან.

სტუმრებმა N8 პენიტენციური დაწესებულების ბიბლიოთეკას წიგნები და ჟურნალები გადასცეს.

პროექტის ხელმძღვანელმა ქეთევან დუმბაძემ ღონისძიების მნიშვნელობაზე ისაუბრა და აღნიშნა, რომ მსგავსი ღონისძიებები ხელს შეუწყობს ბრალდებულთა/მსჯავრდებულთა საზოგადოებაში ინტეგრაციას.

„N8 პენიტენციურ დაწესებულებაში მოვიტანეთ კულტურის სამინისტროს მიერ გამოცემული წიგნები. მათ შორისაა დღიურები, პროზა და პოეზია იმ მწერლებისა, რომლებიც მონაწილეობას იღებენ პროექტ „ცოცხალ წიგნებში“. ძალიან ხშირად უნდა იყოს მსგავსი ღონისძიებები, რათა ამ ბავშვებს ვაჩვენოთ ბევრი სითბო და სიყვარული“- განაცხადა ქეთევან დუმბაძემ.

პოეზიის საღამო სასჯელაღსრულებისა და პრობაციის სამინისტროსა და კულტურის სამინისტროს შორის დადებული უწყებათაშორისი მემორანდუმის საფუძველზე გაიმართა. მისი მიზანი ბრალდებულთა/მსჯავრდებულთა რესოციალიზაცია-რეაბილიტაციაა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს