მოთხილამურე პატრული მიტარბის სათხილამურო ტრასაზე დამსვენებელთა უსაფრთხოებას დაიცავს

2016-12-25 18:00:17, 2238 ნახვა

სამართალი

საქართველოს პრემიერ-მინისტრმა გიორგი კვირიკაშვილმა ახალი კურორტი - მიტარბი დღეს ოფიციალურად გახსნა.

შსს-ს ინფორმაციით, გახნის საზეიმო ღონისძიებას შინაგან საქმეთა მინისტრი გიორგი მღებრიშვილი და მთავრობის სხვა წევრები დაესწრნენ.

მათივე ცნობით, მიტარბის ახალ სათხილამურო ტრასაზე, ისევე, როგორც საქართველოს ყველა ზამთრის კურორტზე, დამსვენებელთა უსაფრთხოებას შსს-ს ახალი დანაყოფი - მოთხილამურე პატრული დაიცავს.

სპეციალურად გადამზადებული, სამთო-სათხილამურო ფორმის ტანსაცმლითა და ეკიპირებით აღჭურვილი შსს-ს საპატრულო პოლიციის 80-მდე თანამშრომელი საქართველოს სამთო-სათხილამურო კურორტებზე ზამთრის სეზონის დასრულებამდე დარჩება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან