2016-12-25 15:02:18, 1006 ნახვა
საზოგადოება
გიორგი მარგველაშვილი ილია მეორეს აღსაყდრებიდან 39-ე წლისთავს ულოცავს
საქართველოს პრეზიდენტი გიორგი მარგველაშვილი უწმინდესს და უნეტარეს ილია მეორეს აღსაყდრებიდან 39-ე წლისთავს ულოცავს.
„თქვენო უწმინდესობავ, გულითადად გილოცავთ აღსაყდრებიდან 39 წლისთავს.
ჩვენ ქვეყანას წილად ხვდა ბედნიერება, თავისუფლებისაკენ სვლის ურთულესი ისტორიული მონაკვეთი თქვენი სულიერი წინამძღოლობით გაევლო. შინაგანი სრულქმნისა თუ ქვეყნის განვითარების გზაზე უზენაესი ფასეულობებისადმი ერთგულების, თანამოძმეთა სიყვარულისა და თავდადებული მსახურების გამო მისაბაძ მაგალითს წარმოადგენთ არა მხოლოდ მრევლის, არამედ ყველა ჩვენი მოქალაქისათვის.
გისურვებთ დღეგრძელობასა და უშრეტ ენერგიას ხალხისა და ქვეყნის საკეთილდღეოდ“,-ნათქვამია პრეზიდენტის მისალოც განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
