ხვალ, საქართველოს საკონსტიტუციო სასამართლოში განმწესრიგებელი სხდომა გაიმართება სარჩელზე, რომლითაც 2015 წლის ოქტომბერში, 8 რელიგიურმა გაერთიანებამ სასამართლოს მიმართა. ამის შესახებ "ექსპრესნიუსს" ტოლერანტობისა და მრავალფეროვნების ინსტიტურიდან (TDI) აცნობეს.

არასამთავრობო ორგანიზაციის ინფორმაციით, რელიგიური ორგანიზაციები მოითხოვენ იმ ნორმების არაკონსტიტუციურად ცნობას, რომლებიც რელიგიურ უმცირესობათა გაერთიანებებისთვის საგადასახადო სფეროში უთანასწორო და დისკრიმინაციულ გარემოს ქმნის.

მათივე განცხადებით, მოსარჩელეთა ინტერესებს საკონსტიტუციო სასამართლოში თბილისის თავისუფალი უნივერსიტეტის სამართლის კლინიკა და ტოლერანტობისა და მრავალფეროვნების ინსტიტუტი (TDI) წარმოადგენენ.

მათი ინფორმაციით, საქართველოს საგადასახადო კოდექსი და საქართველოს სახელმწიფოსა და სამოციქულო ავტოკეფალურ მართლმადიდებელ ეკლესიას შორის კონსტიტუციური შეთანხმება მართლმადიდებელ ეკლესიას მთელი რიგი გადასახადებისაგან ათავისუფლებს, ხოლო სხვა რელიგიურ გაერთიანებებს მსგავსი საგადასახადო შეღავათებით სარგებლობის უფლება შეზღუდული აქვთ, რაც წინააღმდეგობაში მოდის საქართველოს კონსტიტუციის მე-14 მუხლით აღიარებულ კანონის წინაშე თანასწორობის პრინციპთან. მიუხედავად იმისა, რომ რელიგიური უმცირესობები მრავალი წელია ითხოვენ ზემოხსენებული დისკრიმინაციული მიდგომის აღმოფხვრას და თანასწორ საგადასახადო რეჟიმში მოქცევას, რაც ასევე სისტემატურად აისახება საქართველოს სახალხო დამცველის,  სხვადასხვა ავტორიტეტული საერთაშორისო და ადგილობრივი არასამთავრობო ორგანიზაციების  ანგარიშებში, პრობლემა დღემდე გადაუჭრელია.

აღნიშნული სარჩელით მოთხოვნილია იმ ნორმათა არაკონსტიტუციურად ცნობა, რომლებიც მართლმადიდებელი ეკლესიისგან განსხვავებით, სხვა რელიგიურ გაერთიანებებს დამატებული ღირებულების, მოგებისა და ქონების გადასახადის გადახდას ავალდებულებს.

ცნობისთვის, საკონსტიტუციო სასამართლოში მოსარჩელე მხარეს წარმოადგენენ:

ლათინ კათოლიკეთა კავკასიის სამოციქულო ადმინისტრაცია;
საქართველოს ევანგელურ-ბაპტისტური ეკლესია;
ქართველ მუსლიმთა კავშირი;
საქართველოს სახარების რწმენის ეკლესია;
მეშვიდე დღის ქრისტიან-ადვენტისტთა ეკლესიის ტრანსკავკასიური იუნიონი;
საქართველოს სიცოცხლის სიტყვის ეკლესია;
წმიდა სამების ეკლესია;
ქრისტეს ეკლესია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დენის კულანინი საქართველოს პირველ სექტემბერს დატოვებს და მესამე ქვეყანაში წავა

პოლიციამ დაურ ბუავას გარდაცვალების ფაქტზე, ორ სახლში ჩხრეკა ჩაატარა და ნარკოტიკული საშუალების შეძენა-შენახვის ბრალდებით ორი პირი დააკავა

საქართველოში ელექტრომობილების იმპორტი 45%-ით გაიზარდა

მაშველები ბათუმში, ზღვაში დაკარგულ ქალს ეძებენ