სოფლის მეურნეობის მინისტრის მოადგილე გიორგი ჩხეიძე და გარემოსა და ბუნებრივი რესურსების დაცვის მინისტრის მოადგილე ეკატერინე გრიგალავა  სახელმწიფო უწყებების, არასამთავრობო და საერთაშორისო ორგანიზაციების წარმომადგენლებს შეხვდნენ და  საქართველოში ქარსაფარი ზოლების გაშენების, რეაბილიტაციის და მოვლა-პატრონობის საკითხები განიხილეს. 

 სოფლის მეურნეობის სამინისტროს ინფორმაციით, შეხვედრა გარემოსა და ბუნებრივი რესურსების დაცვის სამინისტროს, კავკასიის რეგიონული გარემოსდაცვითი ცენტრისა (RECC) და გაეროს გარემოსდაცვითი პროგრამის  (UNEP) ერთობლივი პროექტის „მიწის დეგრადაციისა და სიღარიბის შემცირების მიზნით სასოფლო ტერიტორიებზე ლანდშაფტისა და მიწის რესურსების მდგრადი მართვის დანერგვა“- ფარგლებში გაიმართა.

უწყების ინფორმაციით, ,,ქვეყნის მასშტაბით ქარსაფარი ზოლების აღდგენა - რეაბილიტაცია მნიშვნელოვანია  როგორც სასოფლო-სამეურნეო  დანიშნულების მიწის ფართობების დაცვისთვის,  ასევე კლიმატის ცვლილებებით გამოწვეული ფართობების გაუდაბნოების პრევენციისთვის. 

დღეისათვის, ქვეყნის მასშტაბით გაჩეხილია ქარსაფარი ზოლების  დაახლოებით 90%, რაც   უარყოფით გავლენას ახდენს ნიადაგის ნაყოფიერებაზე და სასოფლო-სამეურნეო კულტურების მოსავლიანობაზე.  სოფლის მეურნეობის განვითარების  სტრატეგიით გათვალისწინებულია ნიადაგის შენარჩუნებისა და გაუმჯობესების გრძელვადიანი ღონისძიებები, მათ შორის სამელიორაციო სისტემების რეაბილიტაცია და განვითარება, ასევე   ნიადაგის ეროზიისგან დაცვის კუთხით ქარსაფარი ზოლების აღდგენა. შესაბამისად, სოფლის მეურნეობის სამინისტრო მზად არის სხვა უწყებებთან, კერძო და საჯარო ორგანიზაციებთან ერთად,  აქტიურად და კოორდინირებულად იმუშაოს ამ გამოწვევის დასაძლევად და ხელი შეუწყოს ქვეყნის მასშტაბით ქარსაფარი ზოლების აღდგენა-რეაბილიტაციას“, - აღნიშნა სოფლის მეურნეობის მინისტრის მოადგილემ, გიორგი ჩხეიძემ.

შეხვედრაზე მხარეებმა ქარსაფარ ზოლებთან დაკავშირებით პოლიტიკის განსაზღვრასა და საერთო ხედვის ჩამოყალიბებაზე, ასევე ქარსაფარ ზოლებთან  მიმართებაში სახელმწიფო სტრუქტურების როლის,  პასუხისმგებლობის გადანაწილების და  კომპეტენციების განსაზღვრის საკითხებზე იმსჯელეს.

შეხვედრას, რომელიც  გარემოსდაცვითი ინფორმაციისა და განათლების ცენტრში გაიმართა პარლამენტის აგრარულ საკითხთა  და გარემოს დაცვისა და ბუნებრივი რესურსების კომიტეტების,  სოფლის მეურნეობის  სამინისტროს, მეცნიერებათა აკადემიის, საერთაშორისო და არასამთავრობო ორგანიზაციების, ასევე საქართველოს რეგიონებიდან ადგილობრივი თვითმმართველობის  წარმომადგენლები ესწრებოდნენ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება