16 დეკემბერს თბილისში ფრანგულ-გერმანული რეგიონალური ამბასადორიალი გაიმართება, რომელშიც მონაწილეობას მიიღებენ გერმანიისა და საფრანგეთის საგარეო საქმეთა სამინისტროების შესაბამისი დეპარტამენტების წარმომადგენლები, ასევე გერმანიისა და საფრანგეთის ელჩები საქართველოში, აზერბაიჯანის რესპუბლიკაში, სომხეთში, თურქეთის რესპუბლიკასა და რუსეთში.
 
აღსანიშნავია, რომ გერმანულ-ფრანგული ამბასადორიალი თბილისში პირველად იმართება. ღონისძიების გახსნით ცერემონიაზე ამბასადორიალის მონაწილეებს სიტყვით მიმართავს საქართველოს საგარეო საქმეთა მინისტრი მიხეილ ჯანელიძე.
 
ღონისძიების ფარგლებში გაიმართება ოთხი სამუშაო ჯგუფის შეხვედრა, რა დროსაც ყურადღება გამახვილდება რეგიონში არსებულ პოლიტიკურ ვითარებაზე, უსაფრთხოების გარემოზე, ეკონომიკურ შესაძლებლობებსა და მასთან მიმართებაში გერმანია-საფრანგეთის პოლიტიკაზე. ამბასადორიალის მონაწილეები ასევე იმსჯელებენ აღნიშნულ რეგიონში სხვადასხვა სფეროში ერთობლივი პროექტების განხორციელების პერსპექტივებსა და სამომავლო გეგმებზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფინეთისა და ნორვეგიის ლიდერებმა პუტინს აცნობეს ზელენსკის მზადყოფნის შესახებ, პირად შეხვედრაზე განიხილოს ტერიტორიული საკითხი

პენტაგონმა ბალტიისპირეთის ქვეყნებს მოუწოდა, თავი შეიკავონ რუსეთის წინააღმდეგ მკაცრი განცხადებებისგან

ბათუმში მაღაზია გაქურდეს – დააკავეს ორი არასრულწლოვანი

ნორვეგიის ჰელსინკის კომიტეტი - ჩვენ ვგმობთ „ქართული ოცნების“ მცდელობას, საკონსტიტუციო სასამართლოს მეშვეობით აკრძალოს ხუთი ოპოზიციური პარტია