ომბუდსმენმა უჩა ნანუაშვილმა 2016 წლის ადამიანის უფლებათა და თავისუფლებათა დაცვის შესახებ ანგარიში წარადგინა. 

როგორც ნანუაშვილმა განაცხადა, მიმდინარე წელს რაიმე განსაკუთრებული ტენდენცია არ ყოფილა და ზოგადად გასული წლის ტენდენციები გრძელდებოდა.

"ანგარიშში საუბარია იმაზე, რომ პრობლემები კვლავ არსებობდა ძირითადად ეფექტური გამოძიების კუთხით. ასევე საუბარია არასათანადო მოპყრობის ფაქტების გამოძიებაზე. სასამართლო სისტემაში არსებული მდგომარეობა არ შეცვლილა. მოლოდინი იმისა, რომ მოხდებოდა საკანონმდებლო ცვლილება, რომლითაც საქმეების ელექტრონული განაწილების წესი დამკვიდრდებოდა, სამწუხაროდ, ამ წელს არ განხორციელდა“, - განაცხადა ნანუაშვილმა. 

მისივე თქმით, ზოგადად უმცირესობების კუთხით პრობლემები კვლავ რჩებოდა.

"განსაკუთრებით პრობლემები იყო როგორც ქალთა მიმართ ძალადობის მასშტაბები, ასევე პრობლემა იყო იმ მიმართულებით, რომ გაიზარდა სიძულვილით მოტივირებული დანაშაულებების რაოდენობა. ამის ერთ-ერთი მაგალითია რამდენიმე კვირის წინ ტრანსგენდერი ქალის გარდაცვალების ფაქტი. ანგარიშში საუბარია ყველა მიმართულებით არსებულ გამოწვევებზე, მათ შორის, ეს ეხება კონფლიქტურ რეგიონებს, ოკუპირებულ ტერიტორიებზე არსებულ მდგომარეობას და იქ უსაფრთხოების მინიმალური სტანდარტების არარსებობას", - აღნიშნა ნანუაშვილმა. 

როგორც ნანუაშვილმა აღნიშნა, ასევე საუბარია ბავშვთა უფლებრივ მდგომარეობაზე. მისივე თქმით, ჩვილ ბავშვთა სიკვდილიანობა კვლავ რჩება ერთ-ერთ სერიოზულ გამოწვევად, ისევე, როგორც სიღარიბე და ძალადობა ბავშვთა მიმართ.

მისივე თქმით, ანგარიშში საუბარია შრომის უსაფრთხოების მინიმალური სტანდარტებისა და მონიტორინგის სისტემის არარსებობაზე. მისივე თქმით, სასჯელაღსრულების სამინისტროს მიმართულებით საკმაოდ ბევრი ტენდენცია იყო, თუნდაც ის, რომ არასათანადო მოპყრობის ფაქტები შემცირებულიყო.

„ჩვენ მხოლოდ ორი კარგად დოკუმენტირებული არასათანადო მოპყრობის შესახებ მივაწოდეთ ინფორმაცია პროკურატურას, რაზეც გამოძიება დაიწყო სწორი კვალიფიკაციით, ანუ არასათანადო მოპყრობის მუხლით და არა უფლებამოსილების გადამეტების მუხლით, როგორც ადრე ხდებოდა“, - განაცხადა უჩა ნანუაშვილმა.

ნანუაშვილის ინფორმაციით, კვლავ მწვავედ დგას პოლიციის მიერ დაკავებული პირების მიმართ არასათანადო მოპყრობის საკითხი. გარდა ამისა, როგორც უჩა ნანუაშვილმა აღნიშნა, სამართალდამრღვევებს წითელ ხაზად გასდევდა პირადი და ოჯახური ცხოვრების დაცულობის ხელყოფის ფაქტები. უჩა ნანუაშვილის თქმით, უფრო დეტალურად ამ ყველაფრის შესახებ საუბარი იქნება სახალხო დამცველის საპარლამენტო ანგარიშში.

ცნობისთის, ანგარიშის პრეზენტაცია სასტუმრო Holiday INN.-ში გაიმართა და მას დიპლომატიური კორპუსის, საერთაშორისო ორგანიზაციების, სამოქალაქო სექტორის, საკანონმდებლო და აღმასრულებელი ხელისუფლების წარმომადგენლები დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს