დღეს აჭარის მთავრობის თავმჯდომარე ზურაბ პატარაძე ქობულეთის მუნიციპალიტეტში ორი ახალი საბავშვო ბაღის გახსნას დაესწრო.

სოფელ ხუცუბანსა და სოფელ ქობულეთში გახსნილ საბავშვო ბაღებში მთლიანობაში 210 აღსაზრდელი ივლის. სკოლამდელი აღზრდის დაწესებულებებში 34 ადგილობრივი კადრი დასაქმდა.

სოფელ ქობულეთისა და ხუცუბნის საბავშვო ბაღებში თანამედროვე სტანდარტების შესაბამისი ინფრასტრუქტურა მოეწყო. ორსართულიან ბაღებში მოწყობილია საძინებლები, გასართობი ოთახები, სველი წერტილები და დარბაზები. ბაღები უზრუნველყოფილია ცენტრალური გათბობის სისტემით. კეთილმოეწყო ეზოები, სადაც საბავშვო ატრაქციონები დამონტაჟდა.

ხუცუბნის საბავშვო ბაღის მშენებლობისთვის ბიუჯეტიდან 434 000 ლარი, ხოლო სოფელ ქობულეთის საბავშვო ბაღისთვის - 397 000 ლარი დაიხარჯა. 

სკოლამდელი განათლების ხელშეწყობის მიზნით ქობულეთის მუნიციპალიტეტში გასულ წელს 4 ახალი საბავშვო ბაღი კვირიკეში, მუხაესტატეში, ბობოყვათსა და ქაქუთში გაიხსნა, რისთვისაც ბიუჯეტიდან მთლიანობაში 666 496 ლარი დაიხარჯა.

17 საბავშვო ბაღის სარეაბილიტაციო სამუშაოებისთვის კი ადგილობრივი ბიუჯეტიდან 141 415 ლარი დაიხარჯა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

GASOLINE - Reckless-ისა და Tegeta-ს ლიმიტირებული კოლექცია უკვე ხელმისაწვდომია

მორიგი ჯილდო The Digital Banker-ისგან - საუკეთესო საკრედიტო ბარათი მაღალშემოსავლიანი სეგმენტის მომხმარებლებისთვის აღმოსავლეთ ევროპაში

განათლების სამინისტრო - ინფორმაცია სკოლის ტერიტორიების გასხვისებასთან დაკავშირებით, არის სრული სიცრუე

ეროვნული ბანკი სესხების გაცემის წესი გამკაცრებას „მაღალი ეკონომიკური ზრდითა და შედეგად გაზრდილი ხელფასებით“ ხსნის