2016-12-03 10:25:55, 931 ნახვა
საზოგადოება
გიორგი მღებრიშვილი რუსთავში შსს-ს მომსახურების სააგენტოს ახალ ინფრასტრუქტურულ პროექტებს გაეცნო
შინაგან საქმეთა მინისტრმა გიორგი მღებრიშვილმა, შსს-ს მომსახურების სააგენტოს დირექტორ დათო ნიკოლეშვილთან ერთად, რუსთავში მომსახურების სააგენტოს ახალი შენობა დაათვალიერა.
შსს-ს ინფორმაციით, შენობაში განთავსებულია საცავი, რომელშიც დაცულია სააგენტოს საარქივო დოკუმენტები მთელი საქართველოდან. ამავე შენობაშია თანამედროვე სტანდარტების საწყობი, რომელიც სასაწყობო მასალების შესაბამის პირობებში შენახვას უზრუნველყოფს.
გიორგი მღებრიშვილმა მომსახურების სააგენტოს სატრანსპორტო საშუალებათა საექსპერტო შემოწმების განახლებული შენობაც დაათვალიერა. სერვისის გაუმჯობესების მიზნით, მოდერნიზებულ შენობაში მოქალაქეები მომსახურებას ავტომობილიდან გადმოსვლის გარეშე, უმოკლეს დროში მიიღებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
