სახელმწიფო სერვისების განვითარების სააგენტოს თანამშრომლებს საინფორმაციო ბაზების გამოყენებით სხვადასხვა სახელმწიფო სერვისების გაუმჯობესების, დანერგვისა და პროგნოზირების საერთაშორისო ინოვაციური მეთოდოლოგიების თაობაზე ტრენინგი ჩაუტარდათ.

ღონისძიება პროექტის - „საჯარო სექტორის განვითარების ხელშეწყობა ცენტრალურ და ადგილობრივ დონეზე სერვისების ეფექტური მიწოდების გზით“ - ფარგლებში მოეწყო.

ტრენინგს სააგენტოს ის თანამშრომლები ესწრებოდნენ, რომლებიც მონაწილეობდნენ სახელმწიფო სერვისების განვითარების სააგენტოს ინოვაციური პოლიტიკისა და სამოქმედო გეგმის შემუშავებაში. ტრენინგი მოიცავდა „Big Data“-ს და „Foresight“-ის მეთოდოლოგიების გაცნობას, რომლებიც გამოიყენება მზარდი რაოდენობის მონაცემების დამუშავებისა და გამოყენების შესაძლებლობების ანალიზისთვის („Big Data“), ასევე პროექტებისა და სამოქმედო გეგმის განხორციელების ეტაპზე მოსალოდნელი ცვლილებების პროგნოზირებისათვის („Foresight“).

ტრენინგს უძღვებოდნენ მოწვეული საერთაშორისო ექსპერტები: ჯოზეფ კურტო ( Josep Curto; „Big Data“) და ჯონ სვინი (John Sweeney; „Foresight“), რომელთაც „Big Data“-ს და „Foresight“-ის მეთოდოლოგიების გამოყენებით საჯარო სტრუქტურებში პროექტების დაგეგმარებისა და განხორციელების მრავალწლიანი გამოცდილება გააჩნიათ.

„ტრენინგზე მიღებული ინფორმაცია მნიშვნელოვანია სახელმწიფო სერვისების განვითარების სააგენტოს ინოვაციური პოლიტიკისა და სამოქმედო გეგმის შემუშავებისათვის. ასევე ინოვაციური მეთოდოლოგიის გაცნობა და პრაქტიკაში გამოყენება ხელს შეუწყობს სააგენტოს ინოვაციური სერვისების ლაბორატორიის, „სერვისლაბის“ (ServiceLab), შესაძლებლობების გაძლიერებას, რაც გამოიხატება არსებული სერვისების გაუმჯობესებასა და ახალი პროდუქტების შექმნაში“, - აცხადებენ სერვისების განვითარების სააგენტოში.

აღსანიშნავია, რომ პროექტის ფარგლებში ზემოთ ხსენებული ტრენინგები სააგენტოს ინოვაციების მართვისა და კვლევების სამსახურის ინიციატივით და შვედეთის საერთაშორისო განვითარების სააგენტოს (Sida) მხარდაჭერით ჩატარდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბათუმში ავარიის შედეგად 2 ადამიანი დაშავდა

ენმ-ში ყრილობა დასრულდა, შეიქმნა დროებითი მმართველობის საბჭოს ორგანო, ფავლენიშვილის ხელმძღვანელობით

მიქანაძე : მშობელი თუ არ ჩააცმევს ბავშვს ფორმას, იქნება კონკრეტული მექანიზმები, რაც შეიძლება ამოქმედდეს

მოიპოვე საქართველოს ბანკის სტიპენდია CHEVENING-ის პროგრამაში - განაცხადების მიღება დაიწყო