საქართველოს პარლამენტში 30 ნოემბერის პლენარულ სხდომაზე 4 დეპუტატის უფლებამოსილების შეწყვეტის თაობაზე იმსჯელებენ. 

საპროცედურო საკითხთა კომიტეტმა პრემიერ-მინისტრ გიორგი კვირიკაშვილის, ენერგეტიკის მინისტრ კახი კალაძის, ეკონომიკის მინისტრ გიორგი გახარიასა და „ნაციონალური მოძრაობის“ წარმომადგენელ სანდრა რულოვსის უფლებამოსილების შეწყვეტაზე დღევანდელ სხდომაზე იმსჯელა.

კომიტეტის თავმჯდომარის გიორგი კახიანის განცხადებით, იმის გათვალისწინებით, რომ ზემოთ აღნიშნული პირებიდან სამი საქმიანობას მთავრობაში გააგრძელებს, მათ დეპუტატის უფლებამოსილება შეუწყდებათ.

როგორც კახიანმა აღნიშნა, სანდრა რულოვსმა პარლამენტის წევრის უფლებამოსილების შეწყვეტის მიზნით, საკანონმდებლო ორგანოს თავად მიმართა.

პარლამენტში გიორგი კვირიკაშვილის, კახი კალაძის, გიორგი გახარიასა და სანდრა რულოვსის ადგილმონაცვლის საკითხს ცენტრალური საარჩევნო კომისია განსაზღვრას. მათი ადგილმონაცვლე პარტიული სიის მომდევნო ნომერი იქნება.

არსებული ინფორმაციით, მთავრობაში გადასული დეპუტატების ადგილს პარლამენტში გუგული მაღრაძე, დავით მატიკაშვილი, გიორგი ხატიძე და გიორგი ღვინიაშვილი დაიკავებენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვსა და სანქტ-პეტერბურგში დრონის რეკორდული დარტყმის შემდეგ 400-ზე მეტი რეისი გაუქმდა

ეპისკოპოსი გიორგი - აზარტული თამაშები სასოწარკვეთილების, ვალებისა და ტრაგედიის წყაროდ იქცევა. ჩემი ღრმა შეშფოთებაა

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს