საქართველოს საგარეო საქმეთა მინისტრი „აღმოსავლეთ პარტნიორობის სამოქალაქო პლატფორმის" რიგით მერვე კონფერენციაში მონაწილეობს, რომელიც ბრიუსელში ტარდება.

კერძოდ, მიხეილ ჯანელიძემ მონაწილეობა მიიღო სამუშაო სესიის გახსნით პანელში, რომელიც აღმოსავლეთის პარტნიორობის პოლიტიკას დაეთმო. საკუთარ გამოსვლაში საგარეო საქმეთა მინისტრმა ხაზი გაუსვა აღმოსავლეთ პარტნიორობის პოლიტიკის მთავარი მიზნებისა და ზოგადად ქვეყნის განვითარების პროცესში სამოქალაქო საზოგადოების როლსა და მნიშვნელობას.

მისი განცხადებით, ეფექტური ინკლუზიური მმართველობის დანერგვა მთავრობის ერთ-ერთი პრიორიტეტია და ამას მოწმობს სამოქალაქო საზოგადოების აქტიური ჩართულობა ქვეყნის განვითარების მნიშვნელოვან პროცესებში.

„ამის მაგალითია თუნდაც ის რომ სამოქალაქო სექტორი სრულად არის ჩართული, როგორც ასოცირების დღის წესრიგის შესრულების მონიტორინგის, ასევე მისი შემუსავების პროცესში და მნიშვნელოვანია, რომ ეს გადაწყვეტილება  სწორედ წელს პირველად იქნა მიღებული.  სამოქალაქო სექტორთან თანამსრომლობა მნიშვნელოვანია ყველა იმ ფუნდამენტური მიზნის მიღწევისთვის რაც გააჩნია ზოგადად აღმოსავლეთ პარტნიორობის პოლიტიკას - ეს არის რეგიონის უსაფრთხოება, სტაბილურობა და კეთილდღეობა" - აღნიშნა მინისტრმა.

მან მადლობა გადაუხადა აღმოსავლეთ პარტნიორობის სამოქალაქო ფორუმის  ეროვნულ პლატფორმას, რომელთანაც საქართველოს ხელისუფლებას მჭიდრო თანამშრომლობა აკავშირებს და ამის ერთ-ერთი მაგალითია ეროვნული პლატფორმის ინიციატივით საქართველოში მიმდინარე ყოველწლიური კონფერენცია, სადაც საქართველოს პრემიერ-მინისტრმა მიიღო მონაწილეობა.

ბრიუსელში მიმდინარე კონფერენციაზე სიტყვით გამოსვლისას მინისტრმა ასევე ყურადღება გაამახვილა „აღმოსავლეთ პარტნიორობის" პოლიტიკურ პლატფორმაზე, ახალ შესაძლებლობებსა და არსებულ გამოწვევებზე.

ღონისიებას აღმოსვალეთ პარტნიორობის სამოქალქო ფორუმის  6 ქვეყნის სამოქლაქო საზოგადოების და  ევროკავშირის წარმომადგენლები ესწრებიან. რიგით მერვე კონფერენცია   ევროკომისარმა გაფართოებისა და სამეზობლო პოლიტიკის საკითხებში იოჰანეს ჰანმა გახსნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის შეთავაზებები სტუდენტებისთვის

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი