ამ დარბაზში 4 წლის განმავლობაში მე ვფიქრობ, ჩვენ "ქართულმა ოცნებამ" აბსოლუტურად უსაფუძვლოდ, გადამეტებული ყურადღება დავუთმეთ "ნაციონალური მოძრაობის" მხრიდან წამოსულ, უმეტეს შემთხვევაში სიცრუეზე აგებულ, ბრალდებებსა და ქილიკს, - ამის შესახებ საქართველოს პარლამენტის თავდაცვისა და უსაფრთხოების კომიტეტის თავმჯდომარემ, ირაკლი სესიაშვილმა დღევანდელ რიგგარეშე სხდომაზე სიტყვით გამოსვლისას განაცხადა.

სესიაშვილის თქმით, ეს დრო უნდა დასრულდეს და ახალმა პარლამენტმა მიდგომა უნდა შეცვალოს.

"ჩვენ არაფერი გვაქვს შესადარებელი წარსულთან, არც სტატისტიკის თვალსაზრისით. ყველაზე კარგი შედარება გააკეთა ჩვენმა ხალხმა არჩევნებზე და აგერ ვართ შედარებისთვის წარმოდგენილი რაოდენობის თვალსაზრისით. ამიტომ, მინდა მოგიწოდოთ, რომ ჩვენი ენერგია დავუთმოთ მუშაობას მთავრობასთან ჩვენი ქვეყნის განვითარებისთვის და საპარლამენტო საქმიანობისთვის. მეტს გეტყვით, მიუხედავად იმისა, რომ ჩვენ საკონსტიტუციო უმრავლესობა ვართ, მთავარი ოპონენტი ჩვენი თავის ჩვენვე უნდა ვიყოთ. ჩვენი ერთ-ერთი მთავარი ფუნქციაა, საპარლამენტო კონტროლის უზრუნველყოფა და ეს უნდა გავაკეთოთ კონსტრუქციულ, გამართულ რეჟიმში. ამით ჩვენ არა თუ მოწინააღმდეგეები ვიქნებით, არამედ ერთად შევასრულებთ ჩვენი ქვეყნის საქმეს და ეს მოკრძალებული აზრი მინდოდა თქვენთვის გამეზიარებინა", - განაცხადა სესიაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო