„აუდიტორია 115“-ის პოზიციას, რომ უნივერსიტეტს უნდა ჰქონდეს  ავტონომია, ვეთანხმები, თუმცა პროტესტის ფორმა ნამდვილად არ მომწონს“, - ამის შესახებ ჟურნალისტებს თბილისის ივანე ჯავახიშვილის სახელობის სახელმწიფო უნივერსიტეტის რექტორმა, გია შარვაშიძემ განუცხადა.

როგორც შარვაშიძემ აღნიშნა, ორი თვის განმავლობაში ყველაფერი გაკეთდა იმისათვის, რომ პრივილეგირებული ჯგუფები აღარ იყოს.

„25 ნოემბერს რომ არჩევნები უნდა ჩატარებულიყო, ყველამ კარგად იცოდა. რაც შეეხება პროტესტის ფორმას, ეს მიუღებელია. კანონდებლობაზე პარლამენტმა ახლა დაიწყო მუშაობა და არის  საშუალება რომ კანონდებლობა გაუმჯობესდეს. მე ვვარაუდობ, რომ ავტონომიის პრინციპის გაზრდით უნდა მოხდეს კანონდებლობის გაუმჯობესება. იმედი მაქვს,  რომ თავად სტუდენტები შეძლებენ, განსაზღვრონ როგორი მოწყობა უნდათ. იმისთვის, რომ პრივილეგირებული ჯგუფები აღარ იყოს, ყველაფერი გაკეთდა ამ ორი თვის განმავლობაში, მათ შორის თანხებთან მიმართებაშიც. Facebook-ის გვერდზე, ღია სივრცეში არის ბრძანების პროექტი და ყველას აქვს საშუალება, მის გაუმჯობესებაში თავისი წვლილი შეიტანოს.

რაც შეეხება „აუდიტორია 115“-ის მიერ დაგეგმილ აქციას, გია შარვაშიძის თქმით, უსაფრთხოების ზომები დაცული იქნება. „ვიმოქმედებთ კანონის შესებამისად“,- განაცხადა რექტორმა.

ცნობისთვის, თბილისის სახელმწიფო უნივერსიტეტში თვითმმართველობის არჩევნები მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ურალში პუტინისთვის ბირთვული ომის შემთხვევაში „განკითხვის დღის ბუნკერი“ აშენდა

რუსეთმა კიევსა და მიმდებარე რეგიონზე მასშტაბური სარაკეტო და დრონებით იერიში მიიტანა, რასაც სამი ადამიანი ემსხვერპლა

უნგრეთში ორბანის მთავრობის ორი ყოფილი მინისტრი კორუფციის ბრალდებით დააკავეს

ქადაგიშვილი- ირანის ელჩმა კეთილი ინებოს და თავისი კომპეტენციის ფარგლებში თავისი ფუნქციის აღსრულება მოახდინოს