საქართველოს მესამე პრეზიდენტი, მიხეილ სააკაშვილი თვლის, რომ საქართველოში საზოგადოებრივი აზრის გაჯანსაღების პროცესი მიმდინარეობს. 

როგორც სააკაშვილმა "რუსთავი 2"-თან ინტერვიუში განაცხადა, ბიძინა ივანიშვილმა ვერ შეძლო სიძულვილის ტალღის შექმნა. მისივე განცხადებით, ენმ-ს მხარდამჭერებმა საოცარი წლები გამოიარეს, დაიჭირეს, ბრალი წაუყენეს, დაკითხეს, მაგრამ მათ ეს გადაიტანეს.

"ვიღაცა გაგაკრიტიკებს, ვიღაცა რაღაცას იტყვის, მაგრამ შენ ხალხს არ უნდა გაებუტო. საქართველოში საზოგადოებრივი აზრის გაჯანსაღების პროცესი მიდის. ივანიშვილმა ვერ შეძლო სიძულვილის ტალღის შექმნა. ამიტომ საუბარი იმაზე, რომ ქართულ საზოგადოებას მაინც არაფერი გამოასწორებს, საშინელი ხალხია, ამას თუ ამბობ, მაშინ არაფერი არ გესმის და უნდა წახვიდე პოლიტიკიდან. ქართველი ხალხი ძალიან ჯანსაღ ტალღაზე მიდის. ქართულ პოლიტიკაში ახალი ტალღა უნდა ამოვიდეს. ჩვენებიც უკვე დაიღალნენ. ადამიანი, რომელიც კაბინეტში იჯდა და კარგი საქმე აკეთა თუნდაც, ეტყობა, შემდეგ დაღლა. ჩვენმა მხარდამჭერებმა საოცარი წლები გამოიარა, დაიჭირეს, ბრალი წაუყენეს, დაკითხეს, მაგრამ მათ ეს გადაიტანეს. არასწორი იქნებოდა, რომ იმათზეც გაბრაზებულიყვნენ, ვინც ივანიშვილს მისცა ხმა," - აცხადებს მიხეილ სააკაშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტი დიტო ჩუბინიძე გირაოთი გაათავისუფლეს

დაჯგუფების წევრები ქალის სახელით ეცნობოდნენ მამაკაცებს, შემდეგ სცემდნენ და ძარცვავდენ - პოლიციამ 7 პირი დააკავა

კახა კალაძე „რიყის დოქების“ შესახებ - დამალულად არაფერი ხორციელდება

გვარამია - ნორმად განმარტების იმ სისტემით, რომელსაც მოსარჩელე გვთავაზობს, ასაკრძალი თავად „ქართული ოცნებაა"