საქართველოს ახალგაზრდა რკინიგზელთა ასოციაციას ახალი თავმჯდომარე ჰყავს. დღეიდან, ერთი წლის ვადით, ორგანიზაციას ქეთევან ბეჟანიძე უხელმძღვანელებს.

ქეთევან ბეჟანიძე ახალგაზრდულ ორგანიზაციასთან თითქმის ერთი წელია აქტიურად თანამშრომლობს. ის არის  ასოციაციის მიერ მომზადებული პროექტების - ,,სარკინიგზო საკონტეინერო გადაზიდვების სტიმულირების გზები" და "მგზავრთა გადაყვანის სერვისების განვითარება"  თანაავტორი.

 ქეთევან ბეჟანიძე მაღალკვალიფიციური და პროფესიონალი კადრია. მას დამთავრებული აქვს კავკასიის უნივერსიტეტი ფინანსებისა და საბანკო საქმის სპეციალობით და არის  თავისუფალი უნივერსიტეტის  მაგისტრი (MBA)   ოპერაციების მართვაში. გავლილი აქვს სხვადასხვა სახის პროფესიული ტრენინგები საქართველოსა და მის ფარგლებს გარეთ.

ასოციაციის ახლად არჩეული თავმჯდომარის განცხადებით, მიმდინარე წელი დატვირთული იქნება  ისეთი ტიპის პროექტებით, რომელთა ძირითადი ნაწილი სატრანსპორტო პროცესების გაუმჯობესებასა და ოპტიმიზაციას ისახავს  მიზნად. 

,,ჩვენი მიზანია ასევე, ახალგაზრდა რკინიგზელებს  მივცეთ საშუალება სხვადასხვა კუთხით დაინახონ და შეაფასონ  რკინიგზისა და, ზოგადად, ტრანსპორტის როლი და საქმიანობა, ერთმანეთს გაუზიარონ გამოცდილება და გაიღრმავონ პროფესიული ცოდნა," - აღნიშნა ქეთევენ ბეჟანიძემ.

წესდების თანახმად, ახალგაზრდა რკინიგზელთა ასოციაციამ დღეს თავმჯდომარის მოადგილეებიც აირჩია. ასოციაციის მოადგილეების პოზიციას  ლევან ლომსაძე და ნინო ქუფარაშვილი დაიკავებენ. ორგანიზაციის აღმასრულებელი დირექტორი - ელგუჯა ნუცუბიძე გახდა. ერთი მესამედით განახლდა ორგანიზაციის გამგეობა.

შეგახსენებთ, რომ საქართველოს ახალგაზრდა რკინიგზელთა ასოციაცია 2012 წელს დაარსდა და მისი უმთავრესი მიზანი რკინიგზის სექტორის განვითარება და პოპულარიზაცია იყო. დაარსებიდან დღემდე ორგანიზაციამ რამდენიმე მნიშვნელოვანი პროექტი განახორციელა. ასოციაციის ინიციატივითა და ს/ს ,,საქართველოს რკინიგზის" ხელშეწყობით  ტექნიკური უნივერსიტეტის  სარკინიგზო მიმართულების წარჩინებული  სტუდენტები  სტიპენდიას იღებენ, ხოლო მაგისტრანტებისა და დოქტორანტების სწავლის საფასური 50 % ფინანსდება. გასულ წელს ,,სარა"-მ საქართველოს რკინიგზასთან ერთად,  ტექნიკური უნივერსიტეტის ბაზაზე, სარკინიგზო სასწავლო ლაბორატორია დააარსა.

მიმდინარე წლის ერთერთი უმნიშვნელოვანესი პროექტი არის  რკინიგზელებისათვის უცხო ენების შემსწავლელი კურსების შექმნა. აღნიშნული პროექტის განხორციელება ორგანიზაციის  ახალი ხელმნძღვანელობის აქტიური მუშაობისა და რკინიგზის მენეჯმენტის მხარდაჭერის შედეგად იქნა შესაძლებელი.

საქართველოს ახალგაზრდა რკინიგზელთა ასოციაციის პრიორიტეტი კვლავაც  რჩება რკინიგზელთა კვალიფიკაციის ამღლება და სხვადასხვა საგანმანათლებლო პროექტების ინიცირება და მხარდაჭერა.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ