2016-11-06 14:34:12, 817 ნახვა
პოლიტიკა
ხუნდაძე ადასტურებს, რომ ჯანდაცვის კომიტეტის თავმჯდომარედ აკაკი ზოიძის კანდიდატურა განიხილება
ჯანდაცვის კომიტეტს სავარაუდოდ, აკაკი ზოიძე უხელმძღვანელებს.
როგორც დიმიტრი ხუნდაძემ ჟურნალისტებს განუცხადა, თავმჯდომარედ ზოიძის კანდიდატურა განიხილება.
კითხვაზე- რამდენი ადამიანის გვარი დასახელდა, ხუნდაძემ უპასუხა, რომ ერთის.
ამასთან, დიმიტრი ხუნდაძის განმარტებით, თავად ისევ ჯანდაცვის კომიტეტში იქნება,თუმცა რა თანამდებობაზე, არ აკონკრეტებს.
"ჯანდაცვის კომიტეტი ერთ-ერთი ყველაზე წარმატებული კომიტეტი იყო და ასე იქნება",- აღნიშნა ხუნდაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
