საქართველოს სახალხო დამცველი უჩა ნანუაშვილი  სოფელ ზვარეში მომხდარ ფაქტს ეხმაურება. როგორც მან ჟურნალისტებს განუცხადა, ამ ეტაპზე ინციდენტის  შესახებ  რაიმე დეტალური ინფორმაცია არ გააჩნიათ, თუმცა, ომბუდსმენის აპარატი მაქსიმალურად ცდილობს, პროცესში ჩართული ყველა მხარისგან  მიიღოს ინფორმაცია:

 „გამოძიება მიმდინარეობს, რამდენიმე ადამიანიც არის დაკავებული და გამოძიების მიმდინარეობას თვალყურს ვადევნებთ“,-აღნიშნა უჩა ნანუაშვილმა.

შეგახსენებთ, ხარაგაულის რაიონის სოფელ ზვარეში რკინიგზის ლიანდაგის მშენებლობაზე დასაქმებული რამდენიმე ქართველი მუშა ჩინური კომპანიის „23 ბიუროს“ წარმომადგენლებმა სცემეს. პროფკავშირების ინფორმაციით, შემთხვევა 2 ნოემბერს, გვიან ღამით მოხდა.

შინაგან საქმეთა სამინისტრომ სხეულის განზრახ ნაკლებად მძიმე დაზიანების ბრალდებით, გუშინ, ჩინეთის სამი მოქალაქე დააკავა.

მომხდარზე გამოძიება შინაგან საქმეთა სამინისტრომ სსკ-ის 125-ე მუხლით დაიწყო, რაც ცემას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს