ცენტრალურმა საარჩევნო კომისიამ მედიას აქტივობასთან ერთად  საჩივრების შესახებაც მიაწოდა ინფორმაცია.

საარჩევნო ადმინისტრაციის ცნობით,  საერთო ჯამში საოლქო საარჩვენო კომისიებში 47 საჩივარი შევიდა. მათი ძირითადი ნაწილი  მცირე პროცედურულ ხარვეზებს ეხება.

შეგახსენებთ, 15:00 საათის მდგომარეობით, ამომრჩეველთა აქტივობამ 50-ვე მაჟორიტარულ საარჩევნო ოლქში 25.3 % შეადგინა (626 954 ამომრჩეველი).

მაჟორიტარული საარჩევნო ოლქების მიხედვით ამომრჩეველთა ყველაზე მაღალი აქტივობა დაფიქსირდა №47-ე  მაჟორიტარული ოლქის მცხეთის  საოლქო საარჩევნო კომისიის სამოქმედო ტერიტორიაზე და ამომრჩეველთა აქტივობამ 43 % შეადგინა.

ასევე, 50 მაჟორიტარულ ოლქს მაღალი აქტივობით გამოირჩევა №50-ე მაჟორიტარული ოლქის ლანჩხუთისა და ჩოხატაურის  საოლქო საარჩევნო კომისიების სამოქმედო ტერიტორია - 38.7% და №51-ე მაჟორიტარული ოლქის ბაღდადი-ხარაგაულის საოლქო საარჩევნო კომისიების სამოქმედო ტერიტორია -  36.3%.

მოცემული დროისთვის ყველაზე დაბალი აქტივობის მაჩვენებელი დაფიქსირდა №41-ე მაჟორიტარული ოლქის გორის საოლქო საარჩევნო კომისიის სამოქმედო ტერიტორიაზე - 14%, ასევე №9-ე მაჟორიტარული ოლქის ისნის საოლქო საარჩევნო კომისიის სამოქმედო ტერიტორიაზე - 16.8%.

ცესკო-ს ინფორმაციით, ყველა საარჩევნო უბანზე ხმის მიცემის პროცესი მიმდინარეობს მშვიდ გარემოში. თითოეულ ამომრჩეველს აქვს შესაძლებლობა ყოველგვარი დაბრკოლების გარეშე განახორციელოს კონსტიტუციური უფლება და დააფიქსიროს საკუთარი არჩევანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას