2016-10-30 16:43:32, 639 ნახვა

---

ცესკო: მცხეთაში გამგებლის მოადგილე არჩევნების სადამკვირვებლო ორგანიზაციის ეგიდით დაკვირვებას ცდილობდა

ცენტრალური საარჩევნო კომისიის ინფორმაციით, ისნის მაჟორიტარული საარჩევნო ოლქის ორ უბანზე  2 დამკვირვებლის მხრიდან ყალბი აკრედიტაციის მოწმობის გამოყენების მცდელობა კიდევ ერთხელ აღიკვეთა.

ცესკოს- სპიკერის ანა მიქელაძის განცხადებით, ამავე მაჟორიტარულ ოლქში მსგავსი ფაქტები დილით 49-ე და 66- ე უბნებზე გამოვლინდა.

ამასთან, საარჩევნო ადმინისტრაციის ცნობით, მცხეთის მაჟორიტარულ საარჩევნო ოლქში საკრებულოს წევრი და გამგებლის მოადგილე ცდილობდნენ დაკვირვებოდნენ არჩევნებს სადამკვირვებლო ორგანიზაციის ეგიდით. „აღნიშნული პიროვნებების მონაცემები გადამოწმდა. ამის შემდეგ საარჩევნო ადმინისტრაციამ მათ გაუუქმა აკრედიტაცია და დამკვირვებლის სტატუსი“,-განმარტა ანა მიქელაძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი