რუსეთის საგარეო: რუსეთსა და საქართველოში ჩატარებული არჩევნების შემდეგ, დიალოგის გაგრძელებით ორივე მხარე დაინტერესებულია

2016-10-20 11:24:36, 789 ნახვა

პოლიტიკა

რუსეთსა და საქართველოში ჩატარებული საპარლამენტო არჩევნების შემდეგ, ორივე მხარე დაინტერესებულია სხვადასხვა სფეროებში დიალოგის გაგრძელებით, - ამის შესახებ რუსეთის საგარეო საქმეთა სამინისტროს მიერ გავრცელებულ განცხადებაშია ნათქვამი.

როგორც განცხადებაშია აღნიშნული, შეხვედრას რუსეთისა და საქართველოს სატრანსპორტო უწყებების წარმომადგენლებიც ესწრებოდნენ.

„ხაზი გაესვა იმას, რომ რუსეთისა და საქართველოში გამართული საპარლამენტო არჩევნების შემდეგ, ორივე მხარე დაინტერესებულია დიალოგის გაგრძელებით იმ სფეროებში, სადაც, დიპლომატიური ურთიერთობის არარსებობის ფონზე შესაძლებელია პროგრესის მიღწევა, რომელიცაა ვაჭრობა, ტრანსპორტი, კულტურულ-ჰუმანიტარული სფეროები“, - ნათქვამია განცხადებაში.

რუსეთის საგარეო საქმეთა სამინისტრო იმასაც აღნიშნავს, რომ რუსულმა მხარემ საქართველოსთვის ქართული ფილმების არქივის გადაცემა დაიწყო.

ამასთან, განცხადების თანახმად, საქართველოში რუსი ტურისტების ჩასვლის რეკორდული მაჩვენებელი იქნება, რომელიც 1 მილიონზე მეტ ადამიანს მოითვლის.

საგარეო უწყების ცნობით, გრიგორი კარასინისა და ზურაბ აბაშიძის შემდეგი შეხვედრა 2017 წლის დასაწყისში გაიმართება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან