„შეზღუდული შესაძლებლობის სტატუსის მქონე ბავშვთა სოციალური ადაპტაციის“ 2016 წლის პროგრამის ფარგლებში, რეაბილიტაციის II კურსს მაღალმთიან აჭარაში მცხოვრები 11 შეზღუდული შესაძლებლობის მქონე მოზარდი გადის.

აჭარის ჯანდაცვის სამინისტროს ინფორმაციით, ბავშვებს მომსახურება სარეაბილიტაციო ცენტრ “სანიტასში“ უტარდებათ. ადაპტაციის კურსის მიმდინარეობის პროცესს აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ლევან გორგილაძე ასოციაცია „ერთმანეთისთვის“ ხელმძღვანელ სოფიო ბაკურიძესთან ერთად გაეცნო.

„სოციალური ადაპტაციის პროგრამა ძალიან მნიშვნელოვანია განსაკუთრებული საჭიროებების მქონე ბავშვებისა და მათი მშობლებისათვის. პროგრამის ფარგლებში ბენეფიციარებს უტარდებათ სხვადასხვა სახის მასაჟი, ღებულობენ ფსიქოლოგის კონსულტაციას, მშობლები კი ეუფლებიან მეთოდიკას, რომლსაც ოჯახში ბავშვების შესაძლებლობების გასაუმჯობესებლად გამოიყენებენ“, - აღნიშნა სოფიო ბაკურიძემ.

ადაპტაციის პროგრამა ითვალისწინებს აჭარის ა/რ მუნიციპალიტეტებში მცხოვრები შშ სტატუსის მქონე 18 წლამდე ასაკის ბავშვების სამედიცინო მეთვალყურეობას, მათ საჭიროებებზე მორგებულ სწავლებას, ფსიქოლოგიურ დახმარებას, სადღეღამისო მომსახურებას კვებით, სოციალური უნარ-ჩვევების სწავლებას.

შეზღუდული შესაძლებლობის მქონე ბავშვებისათვის ოჯახურთან მიახლოებული გარემოს შექმნის მიზნით პროგრამაში ბავშვის ჩართვა ხორციელდება მშობელთან ან ოჯახის სრულწლოვან წევრთან ერთად. პროგრამის ფარგლებში რეაბილიტაციის კურსი უკვე გაიარა 16-მა შშმ ბავშვმა. წლის განმავლობაში 1 ბენეფიციარს უფინანსდება რეაბილიტაციის არაუმეტეს 2 კურსი, ერთი კურსი მოიცავს 15 დღეს. მომსახურება ფინანსდება დღეში 20 ლარით, ხოლო თანმხლები პირის დღეში 10 ლარით.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს