2016-10-19 12:03:44, 701 ნახვა

---

სუბარი: ის პროცენტი რაც მთავრობის შენახვაზე იხარჯება, ბევრად ნაკლებია, ვიდრე მსოფლიოს ნებისმიერ ქვეყანაში

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის განცხადებით,  საქართველოში მთავრობის შენახვაზე ბევრად ნაკლები იხარჯება, ვიდრე მსოფლიოს ნებისმიერ ქვეყანაში.  ამის შესახებ სუბარმა ჟურნალისტებს მთავრობის სხდომის დასრულების შემდეგ განუცხადა:

„ოპტიმიზაცია ყოველთვის შესაძლებელია. უნდა ვიცოდეთ, რა შედეგს ველოდებით. ამ ოპტიმიზაციიდან დიდ ფინანსურ შედეგს არ უნდა ველოდოთ. ზოგადად, ადმინისტრაცია იმისთვისაა საჭირო, რომ უფრო ეფექტურად განახორციელოს პოლიტიკა გარკვეულ დარგებში. მთლიანობაში შემიძლია გითხრათ, რომ საქართველოში ის პროცენტი, რაც მთავრობის შენახვაზე იხარჯება, ბევრად ნაკლებია, ვიდრე პრაქტიკულად, ნებისმიერ ევროპულ, თუ მსოფლიოს ნებისმიერ ქვეყანაში. ასე, რომ ამ მხრივ განსაკუთრებული პრობლემები არ დგას“,- აღნიშნა სოზარ  სუბარმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი