საქართველოს პრეზიდენტი რუსი დეპუტატის, ლეონიდ კალაშნიკოვის  განცხადებაზე კომენტარის გაკეთებისგან თავს იკავებს. კალაშნიკოვი რუსულ გამოცემასთან  Аргументы и Факты“ საქართველოს პარლამენტთან საპარლამენტო კავშირების აღდგენაზე საუბრობს და პროდასავლური კურსის შეცვლის შესაძლებლობაზე მიანიშნებს.

„ექსპრესნიუსის“ კითხვაზე პრეზიდენტის პრესსპიკერმა განაცხადა, რომ პროდასავლური კურსი ქართველი ხალხის არჩევანია და მას ვერავინ და ვერაფერი შეცვლის:

„ რუსი დეპუტატის კომენტირებას პრეზიდენტი არ აპირებს.არ ვაკეთებთ ამ თემაზე კომენტარს. რაც შეეხება ჩვენი ქვეყნის საგარეო კურსს, პროდასავლურ და ევროატლანტიკურ  კურსს, ეს არის ქართველი ხალხის არჩევანი, ეს არის არა რომელიმე  კონკრეტული მთავრობის, ან რომელიმე ადამიანის, არამედ მთელი საზოგადოების და ქართველი ხალხის არჩევანი. შესაბამისად, მას ვერავინ და ვერაფერი  შეცვლის“,-განაცხადა ეკა მიშველაძემ.

რუსი დეპუტატები შეეცდებიან, საქართველოს პარლამენტთან საპარლამენტო კავშირები აღადგინონ, - ამის შესახებ რუსეთის სახელმწიფო დუმის დსთ-ს საკითხთა კომიტეტის თავმჯდომარემ ლეონიდ კალაშნიკოვმა რუსულ გამოცემა „Аргументы и Факты“-ს განუცხადა.

როგორც კალაშნიკოვმა აღნიშნა, საქართველოში ჩატარებულმა საპარლამენტო არჩევნებმა და შედეგმა აჩვენა, რომ ქვეყანას პროდასავლური კურსი არ სურს.

„მიმაჩნია, რომ ამ არჩევნების შედეგები ცალსახად მეტყველებს საქართველოს სურვილზე ითანამშრომლოს რუსეთთან“, - განაცხადა კალაშნიკოვმა.

კალაშნიკოვის განრმარტებით, არჩევნებამდე რამდენიმე დღით ადრე, "ნაციონალურ მოძრაობაში“ დამარცხება გააცნობიერეს, რადგან „ქართველებმა, მათი ელიტის წარმომადგენლებმა რუსეთთან ურთიერთობის ნორმალიზების სურვილი გამოთქვეს“.

„ეს არ ნიშნავს, რომ ისინი აფხაზეთსა და სამხრეთ ოსეთში მომხდარ მოვლენებს აღიარებენ, მაგრამ ეს იყო ცალსახა მინიშნება, რომ საჭიროა კომპრომისების ძებნა. კომიტეტში მივიღეთ გადაწყვეტილება, ერთ კვირაში საქართველოში არსებულ სიტუაციაზე ინფორმაცია, კომიტეტის სხდომაზე მოვისმინოთ და ქართველ პარლამენტარებთან ურთიერთობის დამყარებას შევეცადოთ“, - განაცხადა კალაშნიკოვმა.

სტატიის ავტორის თქმით, საპარლამენტო არჩევნების შედეგების თანახმად, 5%-იანი ბარიერი „პრორუსულმა „პატრიოტთა ალიანსმა“ გადალახა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის ვებინარი მშობლებისთვის: როგორ დავეხმაროთ მოზარდებს პროფესიის არჩევაში AI-ის ეპოქაში

დეკანოზი ანდრია ჯაღმაიძე – სამორინეებთან დაკავშირებით საკანონმდებლო ინიციატივა ჩვენთვის სრულიად მოულოდნელი აღმოჩნდა

საკონსტიტუციო სასამართლოში ევროპარლამენტის კრიტიკული რეზოლუციის ხსენებას კამათი მოჰყვა

კახა კალაძე - რასაც ჩვენთან აკეთებდნენ, ახალისებდნენ ძალადობრივ ორგანიზაციებს, დღეს იგივე მიიღეს საკუთარ ქვეყნებში