აშშ-ში პოლიციამ ახალგაზრდა ქალი მოკლა

2016-10-17 17:12:29, 2071 ნახვა

მსოფლიო

ამერიკის შეერთებული შტატების ქალაქ ოსტინში პოლიციამ ქალი მოკლა, - ამის შესახებ ტელეკომპანია NBC-ი იუწყება.

მედია საშუალების ინფორმაციით, სამართალადამცველები შემთხვევის ადგილზე მას შემდეგ მივიდნენ, რაც პოლიციაში ქალის მეუღლემ დარეკა და განაცხადა, რომ მის ცოლს ცეცხლსასროლი იარაღი აქვს.

სამართალდამცველების განცხადებით, როდესაც ოფიცრები საცხოვრებელ ბინაში მივიდნენ, მათ შეიარაღებული ქალი დაინახეს, რომელმაც პოლიციელებს იარაღი დაუმიზნა და სთხოვა, რომ მისთვის ესროლათ. პოლიციამ მას იარაღის დაგდება უბრძანა.

ქალმა სამართალდამცველების მოთხოვნაზე უარი განაცხადა, რის შემდეგაც პოლიციელებმა ცეცხლი გახსნეს და დაჭრეს.

როგორც ტელეკომპანია იუწყება, 25 წლის ქალი საავადმყოფოში მიყვანის შემდეგ გარდაიცვალა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან