ჩრდილოეთ კაროლინაში, ქალაქ ჰილსბოროუში რესპუბლიკური პარტიის ოფისს ცეცხლი წაუკიდეს, - ამის შესახებ ინფორმაციას BBC ავრცელებს.

როგორც მედია საშუალება იუწყება, უცნობმა პირებმა დაწესებულების ფანჯრები დაამსხვრიეს და შენობაში ე.წ. მოლოტოვის კოქტეილები შეაგდეს. აღსანიშნავია, რომ გაჩენილმა ცეცხლმა ოფისი მნიშვნელოვნად დააზიანა.

ამასთანავე, თავდამსხმელებმა კედელზე შავი საღებავით სვასტიკა დახატეს და შემდეგი შინაარსის წარწერა დატოვეს - “ნაცისტო-რესპუბლიკელები, გაეთრიეთ ქალაქიდან”.

მედიის ცნობით, ინფორმაცია დაშავებულების შესახებ არ გავრცელებულა.

პრეზიდენტობის რესპუბლიკელმა კანდიდატმა დონალდ ტრამპა თავდამსხმელებს ცხოველები უწოდა, რომლებიც ჩრდილოეთ კაროლინაში ჰილარი კლინტონსა და დემოკრატებს წარმოადგენენ.

თავის მხრივ, დემოკრატიული პარტიის კანდიდატმა ჰილარი კლინტონმა რესპუბლიკური პარტიის ოფისზე თავდასხმას საშინელი და მიუღებელი უწოდა. ამის შესახებ პრეზიდენტობის კანდიდატმა Twitter-ის საკუთარ გვერდზე დაწერა.

მედიის ინფორმაციით, პოლიციამ მომხდარის გამოძიება დაიწყო. როგორც ქალაქ ჰილსბოროუს მერმა ტომ სტივენსმა განაცხადა, თავდასხმა ვანდალიზმის საზღვრებს სცდება და საფრთხის წინაშე  საზოგადოებრივ უსაფრთხოებას აყენებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა