ბრაზილის ერთ-ერთი ციხეში მომხდარი დაპირისპირების დროს სულ მცირე 25 პატიმარი გარდაიცვალა, - ამის შესახებ ინფორმაციას BBC ავრცელებს.

როგორც მედია საშუალება სამართალდამცველებზე დაყრდნობით წერს, 7 პატიმრს თავი მოჰკვეთეს, ხოლო 6 ცოცხლად დაწვეს.

მედიის ცნობით, ინციდენტი ქალაქ ბოა ვისტაში მდებარე ციხეში მოხდა. ადგილობრივი მედიის ინფორმაციით, დაპირისპირება ვიზიტის საათებში მოხდა.

როგორც BBC-ი წერს, დაპირისპირების დროს პატიმრების ორმა ჯგუფმა ბუნტი დაიწყო, 100 ვიზიტორი მძევლად აიყვანა, და მათი მოკვლით იმუქრებოდა, თუმცა ტყვედ აყვანილი ადამიანების გათავისუფლება მალევე მოხერხდა. 

წინასწარი ინფორმაციით, პატიმრებს დანები და ხის ჯოხები ჰქონდათ. 

მედია საშუალების ცნობით, ციხეში, რომელიც 740 პატიმარზეა გათვლილი, ამჟამად 1 400 პატიმარია განთავსებული.

ცნობისთვის, ბრაზილია პატიმართა რაოდენობით მსოფლიოში მეოთხე ადგილს იკავებს. ქვეყნის მასშტაბით სასჯელს 600 000 ადამიანი იხდის.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა