ერაყის უსაფრთხოების ძალებმა ჯიჰადისტებისგან ქალაქ მოსულის გასათავისუფლებლად სახმელეთო ოპერაცია დაიწყეს, - ამის შესახებ BBC ერაყის შეიარაღებული ძალების მთავარსარდალზე, პრემიერ-მინისტრზე ჰაიდერ აბადიზე დაყრდნობით იუწყება. 

როგორც აბადიმ აღნიშნა, ქვეყნის სიდიდით მეორე ქალაქის განმათავისუფლებელ ოპერაციაში ერაყის არმია და ადგილობრივი პოლიციის ძალები მონაწილეობენ. პრემიერი ადგილობირივ მოსახლეობას უსაფრთხოების ძალებთან თანამშრომლობისკენ მოუწოდებს.

მედია საშუალების ინფორმაციით, მოსულში ათობით ტანკი მოძრაობს. გაერომ მოსულის მკვიდრებს, სადაც მილიონ 500 ათასი ადამიანი ცხოვრობს, სიფრტხილისკენ მოუწოდა. 

ქალაქ მოსულს დაჯგუფება “ისლამური სახელმწიფოს” მებრძოლები 2014 წლის ივნისიდან აკონტროლებენ.

"წითელი ჯვრის" განცხადებით, ოპერაციის დაწყებისას ქალაქი შესაძლოა, ასობით ათასმა ადამიანმა დატოვოს, ამიტომ საჭიროა ამ ადამიანების თავშესაფრით, საკვებითა და პირველადი საჭიროების ნივთებით უზრუნველყოფა.

ცნობისთვის, მოსული ერაყში ტერორისტული დაჯუფება "ისლამური სახელმწიფოს" უკანასკნელი მსხვილი დასაყრდენია. ხელისუფლება მიიჩნევს, რომ მისი გათავისუფლება დაჯგუფების მებრძოლებისგან მთელი ერაყის გათავისუფლებას ნიშნავს. სწორედ ქალაქ მოსულში "ისლამური სახელმწიფოს" ლიდერმა აბუ ბაქრ ალ-ბაღდადიმ ხალიფათის შექმნის შესახებ განაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა