ექსპერტი სოსო ცინცაძე არ გამორიცხავს, რომ „ქართული ოცნების“ აღმასრულებელი მდივანი ირაკლი კობახიძე პარლამენტის თავმჯდომარედ დაინიშნოს.

როგორც მან გავრცელებულ ინფორმაციასთან დაკავშირებით „ექსპრესნიუსს“ განუცხადა, ვინაიდან ირაკლი კობახიძე კონსტიტუციონალისტია და ბოლო პერიოდში საკონსტიტუციო ცვლილებებზეც ბევრს საუბრობს, გასაკვირი არაა, პარლამენტის სპიკერის პოზიციაზე ვიხილოთ.

 თუმცა, ცინცაძისთვის უცნობია,  რამდენად მოახერხებს კობახიძე  იმას, რომ პარლამენტში კონფრონტაციის გრადუსმა მაღლა არ აწიოს:

„ვოლსკიზე იყო საუბარი, თუმცა არაა გამორიცხული, ახალგაზრდა კაცია. როგორც ამბობენ და თვითონაც ამბობს, რომ კონსტიტუციონალისტია და ვინაიდან უკვე დაანონსებულაი განცხადება იმის თაობაზე,  რომ   ახალი პარლამენტის პრიორიტეტი  საკონსტიტუციო ცვლილებები იქნება, ამიტომ არ გამოვრიცხავ, რომ კობახიძე დაინიშნოს. რამდენად დიპლომატიური იქნება, ელასტიური იქნება, რამდენად შეძლებს ვთქვათ კონფრონტაციის გრადუსი არ აწიოს  მაღლა, რასაც ახერხებდა დავით უსუფაშვილი. მაინც თავისი ზომიერებით, ელასტიურობით, ის ახერხებდა მაგას, ამას ვერ გეტყვით, თუმცა გასაკვირი არაფერია. მექანიზმი,  რომლის საშუალებითაც ხდება კადრების შერჩევა, ჩვენთან ხომ მადრიდის სამეფო კარის საიდუმლოებად არის ქცეული. ამიტომ გასაკვირი არაფერია“,-აღნიშნა სოსო ცინცაძემ.

„ექსპრესნიუსთან“ საუბარში  გია ვოლსკიმ უარყო ინფორმაცია, რომ საკონსტიტუციო ცვლილებები დღეს მმართველი გუნდის პრიორიტეტია.

აღნიშნულს მან „რუსთავი2“-ის მიერ აგორებული თემა უწოდა და განმარტა, რომ საზოგადოებრივი აზრის გათვალისწინების გარეშე,  კონსტიტუციაში არანაირი  ცვლილება არ განხორციელდება. სოსო ცინცაძე ვოლსკის ამ განცხადებას ასე  გამოეხმაურა:

„საზოგადოებრივი აზრი  გაითვალისწინეს კი, როდესაც ნარმანია მერად დაგვინიშნეს კი. მაგრამ მე გუშინ ვუსმინე კობახიძის ჩართვას „რუსთავი2“-ზე და თვითონ მან აღიარა, ილაპარაკა მხოლოდ საკონსტიტუციო ცვლილებებზე. ერთი რამ კი თქვა, რომ ეს მოხდება მხოლოდ ფართო კონსესუსის საფუძველზეო, მაგრამ წელიწადნახევარია არსბებობს საკონსტიტუციო კომისია, რომელიც ერთხელაც არ შეკრებილა. რომელი კონსესუსით ხდებოდა გადაწყვეტილების მიღება ამ 4 წელიწადში, ეს მხოლოდ ვოლსკიმ იცის“,-განმარტა სოსო ცინცაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე - რასაც ჩვენთან აკეთებდნენ, ახალისებდნენ ძალადობრივ ორგანიზაციებს, დღეს იგივე მიიღეს საკუთარ ქვეყნებში

კოპალეიშვილი „ოცნების“ დეპუტატებს - ჩემი სტუდენტები იყვნენ, რა საფრთხეს წარმოვადგენ მე?

ივანიშვილის რეჟიმი ხალხს წყლის და გაზის გადასახდელებს უმატებს

ლაშა ფარულავა - ოცნება ხალხს ცხოვრებას კიდევ ერთხელ უძვირებს - ეს სოციალური ტერორის გზაა