პრეზიდენტის აზრით, არჩევნებში მონაწილეობა პოლიტიკური ძალებისთვის ამომრჩევლის წინაშე გარკვეული ვალდებულებაა

2016-10-11 14:45:09, 634 ნახვა

პოლიტიკა

პრეზიდენტი მიიჩნევს, რომ არჩევნებში მონაწილეობა და პარლამენტში მოღვაწეობა დემოკრატიულ სახელმწიფოში ყველა პოლიტიკური ძალისთვის ამომრჩევლის წინაშე გარკვეული ვალდებულებაა.

ამის შესახებ პრეზიდენტის პრესსპიკერმა ეკა მიშველაძემ ჟურნალისტის კითხვის საპასუხოდ „ნაციონალური მოძრაობის“ მეორე ტურში მონაწილეობის საკითხზე განაცხადა.

„თუმცა ყველა პარტია თავად ადგენს და განსაზღვრავს საკუთარ დღის წესრიგს“, - აღნიშნა ეკა მიშველაძემ.

ცნობისთვის, არჩევნების მეორე ტურში მონაწილეობასთან დაკავშირებით „ნაციონალურ მოძრაობას“ გადაწყვეტილება ამ დრომდე არ მიუღია. აღნიშნულ საკითხზე პარტიაში აზრთა სხვადასხვაობაა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან