2016-10-08 16:36:39, 653 ნახვა

---

უსუფაშვილი: ჩვენ არ უნდა ვიგლოვოთ ან ვიზეიმოთ ეგზიტპოლების შედეგების შემდეგ, დაველოდებით კომისიის შედეგებს

პარლამენტის თავმჯდომარის დავით უსუფაშვილის განცხადებით, ეგზიტპოლების შედეგების შემდეგ პარტიებმა არ უნდა იგლოვონ ან იზეიმონ, - აღნიშნულის შესახებ „რესპუბლიკური პარტიის“ პირველმა ნომერმა ბრიფინგზე განაცხადა. 

უსუფაშვილის თქმით, ისინი საარჩევნო კომისიების მიერ შედეგების შეჯამებას დაელოდებიან. 

​„ჩვენ არ უნდა ვიგლოვოთ ან ვიზეიმოთ ეგზიტპოლების შედეგების შემდეგ. საარჩევნო კომისიების მიერ შედეგების შეჯამებას დაველოდებით და ამის შემდეგ ჩამოვყალიბდებით იმაზე, თუ რა შედეგები გვაქვს. მივმართავ ყველა პოლიტიკურ ძალას, მათი გადასაწყვეტია როგორ მოიქცევიან, მაგრამ დავაცადოთ საარჩენო ადმინისტრაციას შედეგების დათვლა და გამოქვეყნება. შემდეგ გადავდგათ ნაბიჯები, რომლებიც შესაძლოა რომელიმე პოლიტიკურ ძალას ჰქონდეს დაგეგმილი კენჭისყრის დასრულების შემდეგ“, - განაცხადა უსუფაშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი