საოლქო-საარჩევნო კომისიებში, ამ დროისთვის, საერთო ჯამში 46 საჩივარია შეტანილი

2016-10-08 16:27:49, 789 ნახვა

პოლიტიკა

ამ დროისათვის საერთო ჯამში ყველა საოლქო-საარჩევნო კომისიაში 46 საჩივარია შეტანილი.

ამის შესახებ ცესკოს სპიკერმა ანა მიქელაძემ ბრიფინგზე განაცხადა.

მისივე განმარტებით, მათი უმრავლესობა დაწერილია ადგილობრივი დამკვირვებელი ორგანიზაციებისა და საარჩევნო სუბიექტების წარმომადგენლების მიერ.

„ეს ძირითადად ეხება პროცედურულ ხარვეზებს და მათი ნაწილი უბანზევე იქნა აღმოფხვრილი. ძირითადად ხარვეზები შეეხება-მაგალითად, აგიტაციას საარჩევნო უბანზე, მარკირების შემოწმების გარეშე ხმის მიცემის პროცედურის განხორციელებას, რამდენიმე უბანზე დამკვირვებლებს ჰქონდათ შესვლის პრობლემა, რაც დროულად იქნა აღმოფხვრილი. გარდა ამისა, საარჩევნო დოკუმენტაციის შევსებასთან დაკავშირებული გარკვეული პროცედურული მცირე ხასიათის ხარვეზები. საოლქო საარჩევნო კომისია ოლქში შეტანილ ხარვეზებს განიხილავს კანონმდებლობით დადგემილ ვადაში და მიიღებს შესაბამის გადაწყვეტილებას“,-განაცხადა ანა მიქელაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან