დილიდან მიმდინარე საათის მდგომაროებით, ჩვენმა დამკვირვებლებმა დააფიქსირეს გარკვეული ტიპის დარღვევები. მაგალითად, საია-ს თავმჯდომარის ანა ნაცვლიშვილის განცხადებით, არსებული ინფორმაციით, ახალგაზრდა იურისტთა ასოციაციის წარმომადგენლებმა გარკვეული ტიპის დარღვევები დააფიქსირეს. 

როგორც ნაცვლიშვილმა აღნიშნა, დარღვევები თბილისის რამდენიმე ოლქში დაფიქსირდა. 

„ნაძალადევის მე-18 უბანზე ჩვენმა დამკვირვებელმა მოიპოვა „ქართული ოცნების“ მაჟორიტარი კანდიდატის სოფო კილაძის მხარდამჭერთა სია, რომელიც სავარაუდოდ ერთ-ერთ აქტივისტს დარჩა უბანზე. ამ სიაში მოცემულია კონკრეტული ადამიანების სახელი, გვარი, პირადი მონაცემები. ჩვენ ჯერ კიდევ წინასაარჩევნო პერიოდში ვსაუბრობდით, პირადი მონაცემების შეგროვების პრობლემაზე. ინფორმაციის გადამოწმების შედეგად დადასტურდა, რომ ამ სიაში არიან ადამიანები, რომლებსაც თანხმობა არ მიუციათ სიაში ყოფნაზე, ანუ მათი პერსონალური მონაცემები დამუშავდა მათივე თანხმობის გარეშე. ეს პრობლემა უნდა აღმოიფხვრას. სხვა პარტიებიც მიმართავდნენ ამ მეთოდს. ასევე არ უხსნიდნენ მოქალაქეებს თუ რისთვის აგროვებდნენ მათ პირად მონაცემებს. ეს შემთხვევა ადასტურებს, რომ ინფორმაციის შეგროვება ხდება არაკანონიერად“, - განაცხადა საია-ს თავმჯდომარემ.

ნაცვლიშვილის თქმით, ხმაური ასევე დიდუბის მე-14 უბანზეც მოხდა. 

„ჩვენი დამკვირვებლის ინფორმაციით, პრობლემა დაფიქსირდა, რადგანაც კომისიის წევრებმა ნაცვლად იმისა, რომ უბნის გახსნის შემდეგ საკონტროლო ფურცელი შეევსოთ სათანადოდ, შეავსეს შემაჯამებელი ოქმები და წინასწარ გააკეთეს ხელმოწერები, რაც დარღვევას წარმოადგენს. ამის შემდეგ, როდესაც მიხვდნენ, რომ შეცდომა დაუშვეს, დალუქული ყუთი გახსნეს, გარკვეული შესწორებები შეიტანეს, რის შემდეგაც ყუთი ისევ დაილუქა. 

ასევე, მე-5 უბანზე დაფიქსირდა დარღვევა, როდესაც ჯერ მარკირება გაუკეთეს ამომრჩეველს და შემდეგ გადაამოწმეს იყო თუ არა ეს პირი სიაში. აღმოჩნდა, რომ იმ უბანზა მოქალაქე არ იყო დაფიქსირებული. აქვე მინდა ვთქვა, რომ ჩვენს დამკვირვებელს შეექმნა პრობლემა, როდესაც მისგან საჩივარს არ იბარებდნენ“, - აღნიშნა მან.
​
ანა ნაცვლიშვილმა კიდევ ერთხელ მოუწოდა კომისიებს, რომ მაქსიმალურად ხელი შეუწყონ დამკვირვებლების მუშაობას და კანონით დადგენილი წესებით იმოქმედონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს