ადამიანის უფლებათა ცენტრი ქვემო ქართლში დარღვევებზე საუბრობს

2016-10-08 13:23:31, 627 ნახვა

პოლიტიკა

ადამიანის უფლებათა ცენტრის ინფორმაციით, არჩევნები სამართლიან გარემოში მიმდინარეობს, თუმცა გარკვეული დარღვევები მაინც ხდება, - ამის შესახებ მესამე სექტორმა მედია ცენტრში გამართულ მორიგ შემაჯამებელ ბრიფინგზე განაცხადა.

უფლებათა ცენტრის დამკვირვებლებმა რამდენიმე საარჩევნო უბანზე საჩივრები დაწერეს. დიდ წილად ეს დარღვევები განპირობებული არის საარჩევნო უბნების ადმინისტრაციის დაბალი კვალიფიკაციის გამო.

ძირითადად დარღვევები დაფიქსირდა ქვემო ქართლის რეგიონში ეთქნიკური უმცირესობებით დასახლებულ სოფლებში, კერძოდ ყველაზე სერიოზული დარღვევები სოფელ აზიზქენთში დაფიქსირდა. ეს არის მარნეულის მუნიციპალიტეტის სოფელი, სადაც მე-14 საარჩევნო უბანზე რამდნეიმე სერიოზული დარღვევა ადამიანის უფლებათა ცენტრის დამკვირვებელმა დააფიქსირა.

„საწყის ეტაპზე ამომრჩევლებს, ნაკადის მომწესრიგებელი არ უკეთებდა მარკირებას, ხოლო მოწოდების შემდეგ მარკირება დაიწყო. შემდეგ აღმოჩნდა, რომ გადასატან ყუთში არ იყო მარკირების ფურცელი ჩაგდებული. გარდა ამისა უბანზე იმყოფებოდნენ პირები, რომლებსაც არ ჰქონდათ სამკერდე ნიშნები და სააგიტაციო მოქმედებებს აგრძელებდნენ. დაიწერა 2 საჩივარი, თუმცა კომისია სარჩელის რეგისტრირებაზე უარს აცხადებდა. ისინი აცხადებდნენ, რომ სარჩელი აზერბაიჯანულ ენაზე უნდა მომზადებულიყო. ცესკო-სთან დაკავშირების შემდეგ საჩივარი დაარეგისტრირეს. ჩვენ ამ უბანზე რა თქმა უნდა დაკვირვებას ვაგრძელებთ. თუ ამ უბანზე დარღვევა დაფიქსირდა, მოვითხოვთ უბანზე მიცემული ხმების გაბათილებას“, - განაცხადეს ადამიანის უფლებათა ცენტრში.