საქართველოში ყველაზე არაპნოგნოზირებადი არჩევნები მიმდინარეობს, - ამ სათაურით სტატიას BBC ავრცელებს. 

როგორც მედია საშუალება წერს, საქართველოს მმართველი პარტია საპარლამენტო არჩევნებში მანდატის მოპოვებას ცდილობს. 

“საქართველოს მოსახლეობა აძლევს ხმას საპარლამენტო არჩევნებში, რომელიც განიხილება როგორც სტაბილურობის ტესტი ყოფილი საბჭოთა რესპუბლიკისთვის”, - ნათქვამია სტატიაში. 

მედია საშუალების ინფორმაციით, პარლამენტში ადგილებისთვის 19 პოლიტიკური პარტია ერთმანეთს კონკურენციას უწევს. მთავარი ბრძოლა კი მმართველ პარტიას “ქართულ ოცნებასა” და ოპოზიცურ “ნაციონალურ მოძრაობას” შორის არის მოსალოდნელი. 

როგორც სტატიის ავტორი კვლევებზე დაყრდნობით წერს, ბევრ ამომრჩეველს არჩევნების წინა დღით გადაწყვეტილება მიღებული ჯერ კიდევ არ ჰქონდა. 

თბილისში BBC-ის კორეპონდენტის რაიან დემიტრის თქმით, მოქალაქეები არჩევნებით დაიღალნენ, რადგან სიღარიბე, უმუშევრობა და ვალები მათ ცხოვრებას კვლავ ამძიმებს. 

“ქართული ოცნება” იმედოვნებს, რომ მართვის მანდატს უზრუნველყოფს და ბოლო ოთხი წლის განმავლობაში ეკონომიკური წარმატების მოკრძალებულ ისტორიებზე ამახვილებს ყურადღებას, მათ შორის ევროპასთან თავისუფალ სავაჭრო შეთანხმებაზე. 

“ნაციონალური მოძრაობა”, რომელმაც საქართველოს საერთაშორისო აღიარება მოუტანა ყოფილი ეპატაჟური ლიდერის მიხეილ სააკაშვილის მმართველობის პერიოდში, 2012 წელს ციხეებში სასტიკი მოპყრობის სკანდალის შემდეგ გადაირჩიეს. 

​„ნაციონალური მოძრაობა იმედოვნებს, რომ ქართველები დაიღალნენ მმართველი პარტიით და მისი დამფუძნებელი მილიარდერით ბიძინა ივანიშვილით. იმის მიუხედავად, რომ მან ოფიციალურად პოლიტიკა დატოვა, ბატონი ივანიშვილი კვლავ ფართოდ მიიჩნევა ქვეყანაში გადაწყვეტილებების მთავარ მიმღებად.

და მაინც, ძირითადად ავტორიტარული სახელმწიფოების რეგიონში, ყოფილი საბჭოთა საქართველო წარმატების ისტორიაა მრავალპარტიული დემოკრატიით”, - აღნიშნავს BBC-ის კორესპონდენტი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს