ცენტრალური საარჩევნო კომისია ამომრჩევლებს აქტიურობისკენ მოუწოდებს.

„თითოეული მათგანის ხმა  მნიშვნელოვანია“,-განაცხადა პირველ საინფორმაციო ბრიფინგზე ცესკო-ს პრესსპიკერმა ანა მიქელაძემ.

 ამ დროისთვის არსებული ინფორმაციით, ხმის მიცემის პროცესი  მშვიდ და ყველასათვის ხელმისაწვდომ გარემოში მიმდინარეობს.

„იქ, სადაც მხოლოდ  პარლამენტის არჩევნები ტარდება, ისინი მიიღებენ  2 ბიულეტენს-ერთს პროპორციული, ხოლო მეორეს- მაჟორიტარული არჩევნებისთვის. აჭარის რეგიონში რეგისტრირებული ამომრჩევლები  საქართველოს პარლამენტის  არჩევნების ბიულეტენის  გარდა,  ასევე მიიღებენ  2 ბიულეტენს აჭარის უმაღლესი ბაჭოს არჩევნებისთვის-ერთს  პროპორციული, ხოლო მეორეს-მაჟორიტარული არჩევნებისთვის. ასევე, იმ მაჟორიტარულ  ოლქებში, სადაც ტარდება საკრებულოს  შუალედური, მერისა და გამგებლის რიგგარეშე არჩევნები, ამომრჩევლები მიიღებენ  დამატებით თითო ბიულეტენს. გარდა ამისა, საზღვარგარეთ გახსნილ უბნებში  ამომრჩევლები მიიღებენ  თითო, პროპორციული არჩევნების ბიულეტენს“,-აღნიშნა ანა მიქელაძემ.

ცესკო მოქალაქეებს შეახსენებს, რომ  საარჩევნო კანონმდებლობის მიხედვით, დღეს კენჭისყრის შენობაში აგიტაცია იკრძალება. ასევე აკრძალულია წინასაარჩევნო ფასიანი და უფასო რეკლამის განთავსება  ტელევიზიასა და რადიოში.  ამას გარდა, დღეს საღამოს 8:00 საათამდე იკრძალება  არჩევნებთან დაკავშირებული  საზოგადოებრივი აზრის გამოკითხვის შედეგების გამოქვეყნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს