სტამბოლის აეროპორტთან აფეთქების შედეგად ათი ადამიანი დაშავდა (ვიდეო)

2016-10-06 19:42:50, 2174 ნახვა

მსოფლიო

სტამბოლის ათათურქის სახელობის აეროპორტის მახლობლად მდებარე პოლიციის შენობასთან აფეთქება მოხდა, - ამის შესახებ ინფომრაციას BBC ავრცელებს.

როგორც BBC წერს, ინციდენტის შედეგად 10 ადამიანია დაშავებული, მათ შორის, ერთ-ერთის მდგომარეობა მძიმეა. წინასწარი ინფორმაციით, დაღუპულთა შესახებ ინფორმაცია არ ვრცელდება.

პოლიციის შენობა პოლიციის მიერ არის შემოსაზღვრული.

თვითმხილველების თქმით, აფეთქების გარდა სროლის ხმაც ისმოდა. რეგიონის გუბერნატორმა ვასიპ საჰინმა სოციალურ ქსელ Twitter-ში წერს, რომ პოლიციის განყოფილებასთან დანაღმული მოტოციკლი აფეთქდა.

შეგახსენებთ, რომ მიმდინარე წლის ივნისში, ათათურქის სახელობის აეროპორტზე თავდასხმა განხორციელდა, რის შედეგადაც სულ მცირე 41 ადამიანი გარდაიცვალა, 230 კი დაშავდა. კიდევ ერთი აფეთქება ისტიკლალის მოედანზე განხორციელდა. ოფიციალურმა სტამბოლმა ტერაქტზე პასუხისმგებლობა "ისლამურ სახელმწიფოს" დააკისრა.

ვიდეო

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან