სირიაში მოქმედი ტერორისტული დაჯგუფება “ჯებჰატ ფათჰ აშ-შამი”, რომელიც წარსულში ცნობილი იყო როგორც “ალ-ნუსრას ფრონტი”, ერთ-ერთი ლიდერის, მქადაგებლის აბუ ფარაჯ ალ-მასრის გარდაცვალების შესახებ იტყობინება, - ამის შესახებ ინფორმაციას BBC ავრცელებს.

როგორც მედია საშუალება წერს, ალ მასრი იდლიბის პროვინციაში უპილოტო თვითმფრინავის დარტყმას ემსხვერპლა.

სირიელი ოპოზიციონერების განცხადებით, “ალ-ნუსრას ფრონტის” ლიდერი ავიადარტყმის დროს ავტომობილით თანამებრძოლებთან ერთად მგზავრობდა. ამასთან, BBC თავის წყაროზე დაყრდნობით წერს, რომ უპილოტო საფრენი აპარატი აშშ-ის ხელმძღვანელობით მოქმედ ანტიტერორისტულ კოალიციას ეკუთვნოდა.

ცნობისთვის, 8 სექტემბერს “ალ-ნუსრას ფრონტმა" მისი საველე მეთაურის აბუ ომარ სარაკების ლიკვიდაციის შესახებ განაცხადა. ავიადარტყმა ალეპოს პროვინციაში განხორციელდა. თუმცა უცნობია, თუ რომელი ქვეყნის ავიაციამ განახორციელა დარტყმა.

სექტემბრის ბოლოს რუსეთის საგარეო საქმეთა მინისტრმა სერგეი ლავროვმა განაცხადა, რომ მას ეჭვი ეპარება, რომ ვაშინგტონი “ალ-ნუსრას” ფრონტის ლიკვიდაციისთვის მზად არის. ლავროვის მტკიცებით, აშშ-ის ხელმძღვანელობით მოქმედ კოალიციას დაჯგუფებაზე არც ერთი დარტყმა არ განუხორციელებია. აშშ-ის სახელმწიფო დეპარტამენტის წარმომადგენელმა რუსეთის საგარეო საქმეთა მინისტრის განცხადებას აბსურდული უწოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა