თურქეთში 13 ათასამდე სამართალდამცველს უფლებამოსილება შეუჩერდა, - ამის შესახებ თურქული მედია იუწყება. 

ადგილობრივი მედიის ცნობით, აღნიშნული სამართალდამცველები მცხოვრებ მუსლიმ მქადაგებელთან ფეთჰულა გიულენთან კავშირში არიან ეჭვმიტანილები.

თურქეთის პოლიციის სამმართველოს განცხადებით, სამართალდამცველების წინააღმდეგ სანქციები შინაგან საქმეთა სამინისტროს მიერ დაწყებული ახალი გამოძიების ფარგლებში ამოქმედდა.

როგორც განცხადებაშია აღნიშნული, უფლებამოსილებაშეჩერებულ სამართალდამცველებს შორის 2 523 ხელმძღვანელ თანამდებობას იკავებდა. სულ თურქეთის პოლიციის შემადგენლობაში 250 ათასი ადამიანია.

ცნობისთვის, თურქეთში სახელმწიფო გადატრიალების მცდელობის შემდეგ სამსახურიდან გაათავისუფლეს ან უფლებამოსილება შეუჩერეს 100 ათასამდე სამხედროს, პოლიციელს, მასწავლებელს და საჯარო მოხელეს. არშემდგარი ამბოხის შემდეგ წინასწარი პატიმრობა 32 ათასს ადამიანს მიუსაჯეს. გამოძიება 70 ათასი პირის წინააღმდეგ მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა