"მთავრობა მასწავლებლის პრესტიჟის ამაღლებაზე ზრუნვას იწყებს, ჩემთვის ეს არის მთავარი",-ამის შესახებ 126-ე საჯარო სკოლის მათემატიკის მასწავლებელმა მაკა მახარაძემ პრემიერის, განათლების მინისტრისა და  პედაგოგების შეხვედრის დასრულების შემდეგ ჟურნალისტებს განუცხადა.

მისივე თქმით, დღევანდელი შეხვედრით ძალიან  კმაყოფილია:

"მეც კომაროველი ვარ, როგორც ჩვენი პრემიერი. როცა შეხვედრაზე მოვდიოდი, ვფიქრობდი, რომ  უნდა გადამეხადა მადლობა იმ სიახლეებისთვის, რაც სქემასთან დაკავშირებით იგეგმება. მიუხედავად იმისა, რომ მე სერთიფიცირებული მასწავლებელი ვარ, მაინც ვიტყვი, საგამოცდო შედეგების გამოცხადების შემდეგ, მუდმივად იწყებოდა ლანძღვა-ოროსანი მასწავლებლები, ჩაჭრილი მასწავლებლები და ა.შ.  ამის შემდეგ, წარმოიდგინეთ, საგაკვეთილო პროცესის ჩატარება მასწავლებლისთვის რამდენად რთულია. შეურაცხყოფილი მასწავლებელი ვერც ნორმალურ გაკვეთილს ჩაატარებს, ვერც შედეგზე გავა. აქედან გამომდინარე, პირველი ნაბიჯები, რაც იდგმება სქემის გასაუმჯობესებლად, მასწავლებლის პრესტიჟის ასამაღლებლად, ჩემთვის ძალიან მნიშვნელოვანია. ამისთვის გადავუხადე მადლობა ბატონ პრემიერსაც და მინისტრსაც. მასწავლებლის პრესტიჟის ამაღლებაზე ზრუნვას იწყებს მთავრობა, ჩემთვის ეს არის მთავარი",-აღნიშნა მაკა მახარაძემ. 

კიდევ ერთი პედაგოგის, თბილისის, 171-ე საჯარო სკოლის მასწავლებელის,  მზია კვინტრაძის თქმით, ძალიან მადლობელია, რომ მთავრობა მასწავლებლისთვის  დაკარგული ღირსების აღდგენაზე მუშაობს:

"ძალიან მნიშვნელოვანი დღე იყო.  დიდი პატივია, როცა ქვეყნის პრემიერ-მინისტრი და განათლების მინიტსრი უშუალოდ გილოცავენ პროფესიულ დღესასწაულს, რასაც მასწავლებლის დღე ჰქვია. ეს იყო უშუალო შეხვედრა, გულწრფელი,მართალი საუბარი ქვეყნის  პირველ პირებსა და მასწავლებლებს შორის. პირადად, როცა მოვდიოდი მათთან შესახვედრად, ნამდვილად მქონდა დიდი თხოვნა, რომ დაეხმარონ პედაგოგებს დაკარგული ღირსების აღდგენაში და ჩემდა გასაოცრად, ვიდრე მე შეკითხვას დავსვამდი, მათ სწორედ ამით დაიწყეს საუბარი, რისთვისაც ძალიან მადლიერები ვართ",-განაცხადა მზია კვინტრაძემ.

დღევანდელი შეხვედრა პედაგოგების პროფესიულ დღესთან დაკავშირებით გაიმართა. გიორგი კვირიკაშვილმა  მასწავლებლებს  პროფესიული დღესასწაული წინასწარ მიულოცა. შეხვედრას საქართველოს სხვადასხვა სკოლის 500 პედაგოგი დაესწრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა

დროა: როდესაც ხოშტარია არ არის გადაყვანილი სამოქალაქო კლინიკაში, ეს სადამსჯელო ოპერაციაა

სააკაშვილი: ზურაბიშვილი საქართველოს ისტორიაში ყველაზე ცუდი საგარეო საქმეთა მინისტრი იყო