აჭარის მთავრობის თავმჯდომარე ზურაბ პატარაძე მოსახლეობას მაღალმთიანი აჭარის კიდევ რამდენიმე სოფელში შეხვდა.

აჭარის მთავრობის ადმინისტრაციის პრესსამსახურის ინფორმაციით, დღეს შეხვედრები ხულოს მუნიციპალიტეტის სოფელ ღურტაში გაიმართა, სადაც ზურაბ პატარაძე ქართული ოცნება-დემოკრატიული საქართველოს ხულოს მაჟორიტარ კანდიდატებთან პარლამენტსა და უმაღლეს საბჭოში - ანზორ ბოლქვაძესთან და ხვიჩა შარაშიძესთან ერთად იმყოფებოდა.

სოფლის მოსახლეობას ზურაბ პატარაძემ მაჟორიტარი კანდიდატები წარუდგინა და მათთან ერთად „ქართული ოცნების" გუნდის მომავალი გეგმების, ასევე მთის კანონით დადგენილი იმ შეღავათების შესახებ ესაუბრა, რომელთა დიდი ნაწილით უკვე სარგებლობს ხულოს მუნიციპალიტეტი. ზურაბ პატარაძის თქმით, მთის კანონი, ისევე როგორც ბევრი საინტერესო პროექტი სოფლის მეურნეობისა და ტურიზმის მიმართულებით, მნიშვნელოვანწილად გააუმჯობესებს მაღალმთიანი აჭარის მაცხოვრებლების ეკონომიკურ და სოციალურ მდგომარეობას.

განსაკუთრებული ხაზი გაესვა კურორტ გოდერძზე მიმდინარე და დაგეგმილ პროექტებს, ხულო-ადიგენის გზის მონაკვეთის რებილიტაციის საკითხს და ეკოტურიზმის პოტენციალის განვითარებას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს