2016-09-30 00:53:47, 1078 ნახვა
საზოგადოება
„ქართული ოცნების“ კონცერტზე დაჭრილი 15 წლის ბიჭი გარდაიცვალა
ფონიჭალაში, "ქართული ოცნების" კანდიდატის მხარდასაჭერად გამართულ კონცერტზე დაჭრილი მოზარდი ცოტა ხნის წინ საავადმყოფოში გარდაიცვალა.
როგორც თვითმხილველები აცხადებენ, მაჟორიტარობის კანდიდატის ბექა ოდიშარიას მხარდასაჭერ კონცერტზე გარდაცვლილმა ახალგაზრდამ "რა გეკონცერტებათ" წამოიძახა, რასაც ხმაური მოჰყვა და ინციდენტი დაჭრით დასრულდა.
კლინიკა "მედ ჯორჯიაში" ამ დრომდე კომენტარი არ გაუკეთებიათ. ცნობილია, რომ გარდაცვლილია 15 წლის ბიჭი.
ადგილზე ამ წუთებში ოჯახის წევრები და ახლობლები იმყოფებიან.
პარალელურად მიმდინარეობს დაკითხვა. ამ დროისთვის უცნობია არის თუ არა დაკავებული შემთხვევაში მონაწილე, რომელიმე პირი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
