წულუკიანი: გამორიცხული არ არის, გამოძიება შესაძლო ბრალდებულების დაკავებითაც დასრულდეს

2016-09-29 16:21:06, 949 ნახვა

პოლიტიკა

საქართველოს იუსტიციის მინისტრის თეა წულუკიანის განცხადებით, ქვეყანაში დესტაბლიზაციის საფრთხე არ არსებობს იმიტომ, რომ სახელმწიფო და სამართლებრივი უწყებები თავის მოწოდების სიმაღლეზე არიან.

თუმცა, წულუკიანის თქმით, სხვადასხვა ძალების მხრიდან დესტაბილიზაციის საფრთხის მცდელობები შეინიშნება:

„როგორც ირკვევა, მიმდინარეობს გამოძიება რამდენიმე საქმეზე, ზოგი საბოტაჟის, ზოგი სახელმწიფო გადატრიალების მხრივ. გამოძიება შესაძლოა, შესაძლო ბრალდებულების დაკავებითაც დასრულდეს. მანამდე ჩავატარებთ მშვიდობიან არჩევნებს და ვერავინ მოახერხებს იმას, რომ ქვეყანაში არ შენარჩუნდეს ჩვენი მთავრობის ყველაზე დიდი მონაპოვარი - მშიდობიანობა და სტაბილურობა, რაც განვითარების წინაპირობაა“, - განაცხადა თეა წულუკიანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან