საქართველოს ინოვაციების და ტექნოლოგიების სააგენტომ 29 სექტემბერს, 14:00 - 16:00 საათზე, ტექნოპარკის საკონფერენციო დარბაზში (ინოვაციების ქ. #7, ოქროყანა) IT დასაქმების ფორუმი" გამართა. 

ფორუმზე თითოეულ მონაწილე კომპანიას მიეცა საშუალება, მოეწყო საკუთარი სტენდი ღონისძიების სივრცეში. თითოეულ კომპანიას გამოეყო 1 მაგიდა და 2 სკამი. კომპანიებს მიეცათ უფლება ორგანიზატორებთან წინასწარი შეთანხმების საფუძველზე, სურვილისამებრ მოაწყოთ საკუთარი სივრცე. 

ფორუმზე მონაწილეობა 25 კომპანია მიიღო, ხოლო დარეგისტრირებულ სამუშაოს მაძიებელთა რაოდენობა 150 ია. 

ღონისძიების მიზანია ხელი შეუწყოს საინფორმაციო ტექნოლოგიების სფეროში მოღვაწე კომპანიებსა და სპეციალისტებს შორის კომუნიკაციის დამყარებას და ამ გზით ადგილობრივი კომპანიების ზრდასა და განვითარებას.

IT სპეციალისტებს შორის კომუნიკაციითა და ერთმანეთისთვის გამოცდილების გაზიარებით საფუძველი ჩაეყრება ახალ იდეებსა და პროექტებს რომელთა არსებობა მნიშვნელოვანია ბიზნეს სექტორისთვის, მნიშვნელოვანია პრაქტიკული გამოცდილება, რომელიც ბიზნეს სექტორს მრავალ პრობლემას ააცილებს თავიდან

მსავსი ღონისძიებები საშუალებას მისცემს IT სპეციალისტებს გაიღრმავონ ცონდა და გამოიყენონ ის საკუთარ საქმიანობაში. ეფექტიანად გამოიყენონ  სიახლეები, რაც სამომავლოდ მათ სწრაფ განვითარებასა და წარმატებაზე იმოქმედებს.

საქართველოში მსგავსი ტიპის ღონისძებები ტექნოლოგიების მიმართულებით  მომავლის პროფესიების განვითარებას უწყობს ხელს და ორიენტირებულია ახალი სამუშაო ადგილების შექმნასა და დასაქმებულთა რაოდენობის ზრდაზე.  ახალგაზრდა ინოვატორების სწორი ხედვა და პროფესიონალიზმი აღნიშნული სფეროს განვითარებისთვის აუცილებელი წინაპირობაა, რაც საბოლოო ჯამში ქვეყნის წინსვლის გარანტია. 

IT დასაქმების ფორუმი საქართველოს ინოვაციების და ტექნოლოგიების სააგენტოს მიერ პირველად იმართება და ყოველწლიურ სახეს მიიღებს.

საქართველოს ინოვაციების და ტექნოლოგიების სააგენტო უკვე მეორე წელია ახორციელებს სხვადასხვა პროგრამებს ქვეყანაში IT სპეციალისტების რაოდენობის ზრდისათვის. უკვე განხორციელდა "ტრენერთა ტრენინგების" 2 ეტაპი, რომლის ფარგლებშიც 132 მონაწილე 9 მიმართულებით გადამზადდა. გარდა ამისა, ზემოაღნიშნული ტრენერების მიერ უკვე მომზადდა 1000-მდე დამწყები სპეციალისტი. 

სწორედ სააგენტოს პროგრამებში ჩართული IT სპეციალისტებმა  მიიღეს  მონაწილეობა "IT დასაქმების ფორუმში", რაც კარგი საშუალებაა  ადგილობრივი კომპანიებისათვის ნიჭიერი ახალგაზრდა სპეციალისტების მოსაძიებლად. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას