ბრიუსელში სამუშაო ვიზიტის ფარგლებში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ ორმხრივი შეხვედრები გამართა ევროპარლამენტარებთან მიხაელ გალერთან (ევროპის სახალხო პარტია, საქართველოსთან მეგობრობის ჯგუფის ბორდის წევრი), ედუარდ კუკანთან (ევროპის სახალხო პარტია (EPP), ბრიჯიტ შიპელთან (სოციალ-დემოკრატიული პარტია (S&D), სოციალისტების პოლიტიკური ჯგუფის კოორდინატორი),  ანა გომესთან (S&D, პორტუგალია, საქართველოში ევროპარლამენტის სადამკვირვებლო მისიის ხელმძღვანელი), ტუნე კელამთან (EPP, ესტონეთი) და მარია გაბრიელისთან (ევროპის სახალხო პარტია(EPP) საქართველოს საკითხზე მომხსენებელი).

სახელმწიფო მინისტრის აპარატის ინფორმაციით, შეხვედრებზე განსაკუთრებული ყურადღება დაეთმო ევროკავშირთან სავიზო რეჟიმის ლიბერალიზაციის საკითხს. ევროპარლამენტარებმა კიდევ ერთხელ ერთხმად აღნიშნეს საქართველოს მოქალაქეებისთვის დამსახურებული უვიზო მიმოსვლის დროული ამოქმედების მნიშვნელობა, და ხაზგასმით აღნიშნეს, რომ პროცედურის დასრულების შემდეგ უახლოეს მომავალში ხელმისაწვდომი გახდება.

მათივე ცნობით, შეხვედრებზე, საუბარი, ასევე, შეეხო საქართველოში არსებულ წინასაარჩევნო გარემოს.

ევროპარლამენტარებმა ხაზი გაუსვეს საქართველოს ხელისუფლების ძალისხმევას კონკურენტუნარიანი და დაბალანსებული საარჩევნო გარემოს ხელშესაწყობად. სახელმწიფო მინისტრმა აღნიშნა, რომ წინასაარჩევნო პროცესი, მომავალი არჩევნები და მისი შედეგი არის დემოკრატიის კონსოლიდაციის კიდევ ერთი შესაძლებლობა საქართველოსთვის და მთავრობა უზრუნველყოფს თავისუფალ არჩევანს მისი მოქალაქეებისთვის.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს