თბილისში, დავით აღმაშენებლის გამზირზე მომხდარი ინციდენტის დროს დაკავებული 11 ახალგზარდის აღმკვეთ ღონისძიებაზე სასამართლო ხვალ იმსჯელებს. სავარაუდოდ, პროკურატურა ბრალდებულებისთვის პატიმრობას მოითხოვს.

დაკავებულები სხვადასხვა ნაციონალისტური ჯგუფის წევრები არიან, რომლებიც ხულიგნობის ბრალდებით საპატრულო პოლიციის ეკიპაჟებმა გუშინ ღამით დააკავეს.

შეგახსენებთ, როგორც შსს-დან "ექსპრენიუსს" აცნობეს, გუშინ აქტივისტებმა არასანქცირებული მსვლელობა გამართეს. მსვლელობის მონაწილეები გამოირჩეოდნენ განსაკუთრებული აგრესიით, შეურაცხყოფას აყენებდნენ მოქალაქეებს, ისროდნენ მაშხალებს სავაჭრო ობიექტებსა და კაფეებში, აზიანებდნენ წარწერებსა და ბანერებს.

შემთხვევის ადგილზე მობილიზებული იქნა საპატრულო პოლიციის ეკიპაჟები. სამართალდამცველებმა არასანქცირებული, აგრესიული მსვლელობა დაშალეს და ხულიგნობის ბრალდებით აღმაშენებლის გამზირზე 11 პირი დააკავეს.

გამოძიება საქართველოს სისხლის სამართლის კოდექსის 239-ე მუხლის მე-2 და მე-3 ნაწილებით მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას