2016-09-28 22:09:18, 786 ნახვა
საზოგადოება
ტყიბულში გამგეობის შენობა გაქურდეს
ტყიბულის მუნიციპალიტეტის გამგეობის შენობა გაქურდეს. არსებული ინფორმაციით, კომპიუტერი მოიპარეს. ამის შესახებ ინფორმაციას "რუსთავი 2" ავრცელებს.
ვრცელდება ინფორმაცია, რომ კომპიუტერში სავარაუდოდ, საფინანსო სამსახურის სამუშაო დოკუმენტაცია ინახებოდა.
როგორც შინაგან საქმეთა სამინისტროში აცხადებენ, გამოძიება სსკ 177-ე, ქურდობის მუხლით მიმდინარეობს, რაც ისჯება ჯარიმით ან თავისუფლების შეზღუდვით ვადით 1-დან 3 წლამდე ან თავისუფლების აღკვეთით იმავე ვადით.
მომხდართან დაკავშირებით ჯერჯერობით არავინ დაუკავებიათ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
