ფინანსთა მინისტრმა ნოდარ ხადურმა ისრაელის ყოფილი პრეზიდენტის, შიმონ პერესის გარდაცვალების გამო მწუხარება გამოთქვა და ისრაელის საელჩოში გახსნილ სამძიმრის წიგნში ჩანაწერი გააკეთა.
 
„დიდი მწუხარებით შევიტყე ამბავი გამოჩენილი პოლიტიკოსის, ქართველი ხალხის დიდი მეგობრის, ისრაელის სახელმწიფოს ყოფილი პრეზიდენტის, ნობელის პრემიის ლაურეატის, შიმონ პერესის გარდაცვალების შესახებ.
 
ბატონი პერესი ხანგრძლივი, საინტერესო და დაძაბული ცხოვრების განმავლობაში პირნათლად ემსახურა ისრაელს და მთელ მსოფლიოს, იგი იყო ადამიანი, რომლის მნიშვნელოვანი საზრუნავი იყო მშვიდობის განმტკიცება ისეთ დაძაბულ რეგიონში, როგორიც ახლო აღმოსავლეთია.
 
ნიშანდობლივია, რომ ბატონი შიმონ პერესი ისრაელის ფინანსთა სამინისტროსაც ხელმძღვანელობდა.
 
ვიზიარებ მისი ოჯახის წევრების, მეგობრების მთელი ისრაელისა და ცივილიზებული სამყაროს მწუხარებას," - აღნიშნა ნოდარ ხადურმა სამძიმრის წიგნში გაკეთებულ ჩანაწერში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას