გოგი მეშველიანი და დავით შერაზადიშვილი ბოლნისში გეოლოგების დასახლების მცხოვრებლებს შეხვდნენ

2016-09-28 15:02:51, 658 ნახვა

პოლიტიკა

"ქართული ოცნება-დემოკრატიული საქართველოს" ბოლნისის მაჟორიტარობის კანდიდატი გოგი მეშველიანი და გამგებლობის კანდიდატი დავით შერაზადიშვილი ქალაქ ბოლნისში, გეოლოგების დასახლებაში მოსახლეობას შეხვდა.

მაჟორიტარობის კანდიდატმა "ქართული ოცნების" ხელისუფლების მიერ განხორციელებულ პროექტებზე ისაუბრა.

„ბოლნისის მუნიციპალიტეტში 24 ინფრასტრუქტურული პროექტიდან 17 უკვე დასრულებულია, დანარჩენი პროექტების ფარგლებში კი ინტენსიური სამუშაოები მიმდინარეობს. შეკეთდა შიდა გზები, მოასფალტდა ქუჩები, აღდგა წყალმომარაგების ქსელი, მოეწყო ტროტუარები, სანიაღვრე სისტემები“, - განაცხადა შეხვედრაზე "ქართული ოცნება- დემოკრატიული საქართველოს" ბოლნისის მაჟორიტარობის კანდიდატმა გოგი მეშვლიანმა.

მისივე თქმით, კარგად იცნობს მუნიციპალიტეტში არსებული პრობლემებს და ყველა ეს პრობლემა უმოკლეს დროში ეფექტურად გადაიჭრება.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან