არასამთავრობო ორგანიზაცია "საერთაშორისო გამჭვირვალობა-საქართველომ" მართლმსაჯულების სისტემაში 4 წლის განმავლობაში დაგეგმილი და განხორციელებული ცვლილებები შეაფასა.

როგორც ორგანიზაციის ანგარიშშია ნათქვამი, შეფასება 2012 წლის ოქტომბრიდან 2016 წლის აგვისტოს ბოლო პერიოდს შეიცავს და როგორც დადებით, ისე უარყოფით ტენდენციებს ასახავს. 

"ჩვენ გვახსოვს, რომ ამ მთავრობამ განახორციელა საკანონმდებლო ცვლილებები. მართლმსაჯულების "პირველი და მეორე ტალღის" განხორციელებით მნიშვნელოვანი ნაბიჯი გადაიდგა. პირველ რიგში ეს შეეხება იმას, რომ დაიხვეწა იუსტიციის უმაღლესი საბჭოს დაკომპლექტების წესი, გაიზარდა მოსამართლეთა კონფერენციის ფუნქციები, ამან მოსამართლეთა თვითმმართველობისა და ინდივიდუალური მოსამართლის როლის ზრდა გამოიწვია. ასევე, გაიზარდა სასამართლოს სისტემის გამჭვირვალობა, დასაშვები გახდა სასამართლო სხდომების გადაღება მედიისთვის", - განაცხადა ეკა გიგაურმა. 

მთავარ გამოწვევად არასამთავრობო ორგანიზაციაში მოსამართლეთა არჩევის წესს მიიჩნევენ.

ამასთან, "საერთაშორისო გამჭვირვალობა-საქართველოს" ანგარიშში აღნიშნულია, რომ გამოიკვეთა მნიშვნელოვანი პრობლემები სასამართლოს შიდა დამოუკიდებლობის მიმართულებით. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს

უკრაინის შეიარაღებულმა ძალებმა მოსკოვს პუტინის მონაწილეობით გამართული სამიტის დღეს შეუტიეს

დიდი ბრიტანეთი ევროკავშირთან თავისუფალი გადაადგილების შესაძლო აღდგენაზე საუბრობს